Ղարաբաղյան կարգավորման մեջ առաջընթաց է սպասվում. քաղաքագետ

Ղարաբաղյան կարգավորման մեջ նոր լուրջ առաջընթաց է սպասվում, այդ կարծիքին է ՀՀ գիտությունների ազգային ակադեմիայի արևելագիտության ինստիտուտի տնօրեն, պրոֆեսոր Ռուբեն Սաֆրաստյանը։

«Դժվար է ասել՝ կիրացվի այն, թե ոչ, բայց դրա համար որոշակի նախադրյալներ կան»,- ուրբաթ «Նովոստի» միջազգային մամուլի կենտրոնում ասաց նա։

Ըստ Սաֆրաստյանի՝ այդ մասին վկայում են վերջին «սանտկտպետերբուրգյան առաջարկները» և դրանց նկատմամբ Ադրբեջանի բավականին լուրջ արձագանքը։

Հունիսի 17-18-ը Սանկտ  Պետերբուրգ կատարած ՀՀ նախագահ Սերժ Սարգսյանի այցի և ՌԴ նախագահ Դմիտրի Մեդվեդևի առաջարկով Հայաստանի, Ադրբեջանի և Ռուսաստանի ղեկավարների եռակողմ հանդիպման ժամանակ կողմերը քննարկել են ղարաբաղյան խնդրի կարգավորման վերաբերյալ առաջարկները, որոնք «սանկտպետերբուրգյան առաջարկներ» անվանումն են ստացել։

Նշելով, որ ղարաբաղյան խնդրի գծով կարևոր գործընթացներ են սկսվում, Սաֆրաստյանն ասաց, որ այդ առաջարկները մոտալուտ տարիներին նոր բանակցային գործընթացի հիմք կդառնան։

բնակեցված Լեռնային Ղարաբաղը հայտարարեց Ադրբեջանի կազմից  դուրս գալու մասին։

1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։

 1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի  հետևանքով երկու կողմից զոհվեց մոտավորապես 25-30 հազ մարդ և մոտ  մեկ միլիոնը ստիպված եղավ լքել  բնակավայրերը։

Զինադադարի ռեժիմի մասին համաձայնությունը պահպանվում է մինչ այժմ։

1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-