Հայոց ցեղասպանության 95-ամյակին նվիրված կերպարվեստի ցուցահանդեսի լավագույն աշխատանքները պարգևներ կստանան Հայկական համաշխարհային կոնգրեսից և Ռուսաստանի հայերի միությունից:
«Ցուցահանդեսում, որը մենք այսօր բացում ենք Նկարիչների միությունում Սփյուռքի նախարարության հետ համատեղ, ներկայացվել է հայ նկարիչների և քանդակագործների 80 լավագույն աշխատանք: 10 օրվա ընթացքում պրոֆեսիոնալ ժյուրին կընտրի 10 լավագույն աշխատանք չորս անվանակարգերում` գեղանկարչություն, քանդակագործություն, գծանկար, դեկորատիվ-կիրառական արվեստ»,- ասաց ՀՀԿ և ՌՀՄ փոխնախագահ Վլադիմիր Աղայանը: Ըստ նրա՝ համապատասխան մրցանակային ֆոնդը կազմում է 13 հազար դոլար:
Իր հերթին Հայստանի սփյուռքի նախարար Հրանուշ Հակոբյանը նշեց, որ ցուցահանդեսը կարևոր միջոցառում է 2010 թվականին նշվող Հայոց ցեղասպանության 95-ամյակին:
«Այս ցուցահանդեսի առանձնահատկությունն այն է, որ լավագույն աշխատանքները մրցանակներ կստանան, ինչի համար մենք շնորհակալություն ենք հայտնում ՀՀԿ-ին և ՌՀՄ-ին: Հույս ունեմ, որ այդ ցուցահանդեսը կդառնա այն վայրերից մեկը, ուր երևանցիները հաճույքով կգան»,- ավելացրեց նախարարը:
Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-
