Հաղթանակի օրը հայ զինվորների շարասյունը կանցնի Կրամիր հրապարակով. Պաշտպանության նախարար
Մայիսի 9-ին Հայաստանի Զինված ուժերի զինվորների շարասյունը կմասնակցի Կարմիր հրապարակում կայանալիք Հաղթանակի շքերթին, հայտնեց ՀՀ պաշտպանության նախարար Սեյրան Օհանյանը:
«1945թ.-ի մայիսի 9-ին մենք հաղթանակ ենք տարել նախկին ԽՍՀՄ ժողովուրդների համատեղ ջանքերի շնորհիվ, և այդ հաղթանակում իր ուրույն տեղն ունի հայ ժաղավուրդը»,- երկուշաբթի Հայաստանի հյուսիսում գտնվող Մրգաշեն գյուղի իր հարազատ դպրոցում անցկացրած արիության դասի ժամանակ ասաց նա:
Նա նշեց, որ հաղթանակի գործում իրենց ներդրումն են ունեցել երեք հայ մարշալներ և մեկ ծովակալ:
Պաշտպանական գերատեսչության ղեկավարը նաև ավելացրեց, որ ՀՄՊ տարիներին մեր պապերի և հայրերի սխրագործությունը տարիներ անց անդրադարձել է ներկա սերնդի վրա, որի ներկայցուցիչներն Արցախի ազատագրական պայքարում կարողացան հաղթանակ տանել:
Այս կապակցությամբ նա նշեց, որ հայ ժողովրդի համար մայիսի 9-ի տոնն ուշագրավ է ոչ միայն ՀՄՊ հաղթանակի 65-ամյակով, այլ նաև Շուշիի ազատագրմամբ:
Միջոցառման ժամանակ, պաշտպանության նախարարը Մրգաշեն գյուղի ՀՄՊ վետերան Ասիլբեկ Գասպարյանին Մեծ Հաղթանակի 65-ամյակին նվիրված հոբելյանական շքանշան է հանձնել, ինչպես նաև գերատեսչական շքանշաններ՝ տասնյակ ազատամարտիկների: -0-
