Մոսկվան ու Երևանը համագործակցության հնգամյա համաձայնագիր կկնքեն

Մոսկվայի քաղաքապետ Յուրի Լուժկովը ուրբաթ՝ հունվարի 29-ին, երկօրյա այցով կժամանի Երևան, որտեղ քաղաքապետ Գագիկ Բեգլարյանի հետ համագործակցության 5-ամյա համաձայնագիր կստորագրի, հինգշաբթի հայտնում է «ՌԻԱ Նովոստիին»:

Նա հստակեցրեց, որ համաձայնագրում 20 կետ է լինելու, և այն նախատեսելու է «երկարատև գործընկերություն առևտրատնտեսական, գիտատեխնիկական և հումանիտար-մշակութային ոլորտներում»:

«Կողմերն իրենց իրավասության սահմաններում կաջակցեն ցուցահանդեսների, տոնավաճառների, աճուրդների, գործնական հանդիպումների անցկացմանը, ինչպես նաև առևտրի տների, մշակութագործնական ու տեղեկատվական կենտրոնների բացմանը: Կողմերը ձեռներեցության և մասնավոր նախաձեռնության զարգացման ու սատարման փորձի փոխանակում կկատարեն ձեռներեցության զարգացման համատեղ նախագծեր ու ծրագրեր կմշակեն, ինչպես նաև կապահովեն բնակչության սոցիալ-իրավական պաշտպանվածությունն ու զբաղվածությունը»,- մի քանի կետ որպես օրինակ բերեց գործակալության զրուցակիցը:

Նա հավելեց, որ երկօրյա այցի ընթացքում Յուրի Լուժկովը կհանդիպի նաև երկրի նախագահ Սերժ Սարգսյանի հետ: -0-