Ծանրամարտի աշխարհի չեմպիոնուհի Նազիկ Ավդալյանը Հայաստանի «Տարվա մարդ» է ճանաչվել

Հայաստանի 2009 թ.-ի լավագույն մարզիկ, ծանրամարտի աշխարհի չեմպիոնուհի Նազիկ Ավդալյանը «Հայելի» մամուլի ակումբի կողմից «Տարվա մարդ» է ճանաչվել:

Հանդիսավոր արարողության ժամանակ աշխարհի չեմպիոնուհին պատվոգիր ստացավ կրթության և գիտության նախարարության կողմից, բացի այդ նվեր՝ ԱԺ պատգամավոր Վահե Հակոբյանից:   

Մարզիկին շնորհավորելու էին եկել ՀՀ խորհրդարանի պատգամավորներ և արվեստի գործիչներ:

«Ես շատ ուրախ եմ, որ կարողացել եմ մեր ժողովրդին նման ապրումներ պարգևել: Պատվանդանի առաջին աստիճանին կանգնած՝ ես մտածում էի այն մասին, թե որքան շատ մարդկանց եմ ուրախություն պարգևել»,- Ավդալյանն ասաց «Նովոստի-Արմենիա» գործակալությանը:

Հայ ծանրորդուհի, 2008 թ.-ի Եվրոպայի չեմպիոն Նազիկ Ավդալյանը նոյեմբերի 27-ին Հարավային Կորեայում անցկացված աշխարհի առաջնության ժամանակ 266 կգ արդյունքով նվաճեց աշխարհի չեմպիոնի ոսկե մեդալը: Ավդալյանը ոսկե մեդալներ նվաճեց նաև պոկում և հրում վարժություններում: -0-