Ընդդիմադիր Հայ ազգային կոնգրեսը դատապարտում է խորհրդարանի պատգամավորի թեկնածու, «Հայկական ժամանակ» ընդդիմադիր թերթի գլխավոր խմբագիր Նիկոլ Փաշինյանի նախընտրական քարոզարշավին մասնակցող կողմնակիցներին ծեծի ենթարկելը։
«Մենք հավաստի տեղեկատվություն ունենք այն մասին, որ մեր կողմնակիցների վրա երեկ տեղի ունեցած անբարոյական հարձակման կազմակերպիչներից մեկը Հայաստանի Ազգային Ժողովի իշխող խմբակցության պատգամավոր Ռուբեն Սադոյանն է»,- երկուշաբթի լրագրողներին հայտնեց ՀԱԿ համակարգող Լևոն Զուրաբյանը։
Դեկտեմբերի 27-ին Երևանում վեց մարդ ծեծի է ենթարկվել, ովքեր, ավելի ուշ պարզվել է, որ Նիկոլ Փաշինյանի թեկնածությանն օգտին քարոզչություն անցկացնող՝ ՀԱԿ-ի կողմնակիցներ են եղել: Տուժածների խոսքերով, իրենց վրա են հարձակվել 30 հոգի՝ զինված մետաղյա ձողերով ու կաստետներով, և սկսել են ծեծեել:
Զուրաբյանը վստահություն հայտնեց, որ հարձակումը կազմակերպվել է Արա Սիմոնյանի («Ազգային Միաբանություն» կուսակցության անդամ) նախընտրական շտաբի անդամների կողմից, որին աջակցում են իշխանությունները։
Միաժամանակ նա գոհունակություն հայտնեց Նիկոլ Փաշինյանի նախընտրական քարոզարշավի գործընթացից։
«Մենք հսկայական ընտրազանգված ունենք, և իշխանությունները դա հասկանում են, այդ իսկ պատճառով ամեն կերպ փորձում են թուլացնել ընդդիմությանը»,- ընդգծեց Զուրաբյանը։
Իր հերթին Նիկոլ Փաշինյանի նախընտրական շտաբի ղեկավար Դավիթ Մաթևոսյանը նշեց, որ տուժածները որևէ օրինախախտում չեն կատարել։
«Քանի որ մենք այլ ելք չունենք, չէ՞ որ գործնականորեն բոլոր հայկական հեռուստաալիքներն իշխանությունների ազդեցության տակ են, ապա մեր կողմնակիցները սկսել են ընտրական օրենսգրքի համաձայն պարզապես թռուցիկներ տարածել, իսկ նրանց նկատմամբ անբարոյական և դաժան հարձակում են իրականացրել»,- ասաց Մաթևոսյանը։
ԿԸՀ-ի՝ լրացուցիչ ընտրություններ անցկացնելու որոշումը պայմանավորված է նրանով, որ սեպտեմբերի 7-ին 10-րդ ընտրատարածքից մեծամասնական համակարգով ազգային ժողովի պատգմավոր ընտրված Խաչատուր Սուքիասյանը կամավոր վայր է դրել պատգամավորական լիազորությունները:
Խոշոր ձեռներեց և խորհրդարանի պատգամավոր Խաչատուր Սուքիասյանն ավելի քան մեկ տարի գտնվում էր հետախուզման մեջ՝ Երևանում մարտի 1-2-ի զանգվածային անկարգությունների կապակցությամբ։
2009թ. սեպտեմբերի 1-ին Սուքիասյանը հանձնվել է իրավապահներին: Որպես կասեցման միջոց ընտրվել է կալանքը: Սակայն արդեն սեպտեմբերի 4-ին նա ազատ է արձակվել՝ չբացակայելու մասին ստորագրությամբ։
Ներկայում 10-րդ ընտրատեղամասում մեծամասնական համակարգով ՀՀ ԱԺ լրացուցիչ ընտրություններին մասնակցելու դիմում է ներկայացրել ՀՀ յոթ քաղաքացի՝ Հմայակ Հովհաննիսյանը (անկուսակցական), Վլադիմիր Կոստանյանը (անկուսակցական), Նիկոլ Փաշինյանը (անկուսակցական), Արա Սիմոնյանը (անկուսակցական), Ռաֆայել Այվազյանը (ՀՅԴ), Էդուարդ Մադաթյանը (անկուսակցական), և Դավիթ Հակոբյանը (Հայաստանի մարքսիստական կուսակցություն):-0-
