2009 թվականին Հայաստանն ամրացրել է արտաքին քաղաքականության իր դիրքերը. կուսակցության ղեկավար
ԵՐԵՎԱՆ, 25 դեկտեմբերի. /Նովոստի-Արմենիա/. 2009 թվականին Հայաստանն ամրացրել է արտաքին քաղաքականության իր դիրքերը, ուրբաթ հայտարարեց «Սահմանադրական իրավունք» Միության կուսակցության առաջնորդ Հայկ Բաբուխանյանը։
«Նախքան նախագահ Սերժ Սարգսյանի նախաձեռնողական քաղաքականությունը Հայաստանն արտաքին քաղաքականության առումով երրորդ կարգի երկիր է եղել աշխարհում։ Իսկ այսօր մենք խաղացող ենք դարձել քաղաքական մեծ խաղում»,- ասաց Բաբուխանյանը, նշելով, որ դա 2009 թվականի ամենամեծ ձեռքբերումն է։
Նա նշեց նաև ղարաբաղյան հարցում արձանագրված հաջողությունները, որտեղ որոշակի ուղղումներ կատարվեցին, մասնավորապես, այն հարցում, որ Հայաստանի համար ամենակարևորը Լեռնային Ղարաբաղի Հանրապետության անկախության ճանաչումն է։
Արտաքին քաղաքականության նշանակալի իրադարձություններից Բաբուխանյանը նշեց նախագահ Սարգսյանի համահայկական շրջայցը։
«Առաջին անգամ Հայաստանի ղեկավարը հանդես եկավ որպես ողջ հայության առաջնորդ, իսկ աշխարհը տեսավ, որ հայերը համաշխարհային ազգ են, ոչ միայն 38 հազար քառակուսի կիլոմետր տարածքում ապրող բնակչություն»,- ասաց քաղաքագետը։
Բաբուխանյանը նաև կարևորեց այն, որ նախագահը հանդիպեսդ հենց սփյուռքի ներկայացուցիչների հետ։
Ըստ նրա, դա նշանակում է, որ հայերը, որպես միասնական ազգ, քննարկում էին իրենց շահերը։
Բաբուխանյանը նշեց, որ շրջայցի ընթացքում առաջացած բանավեճերը ծառայեցին նախագահի՝ արտաքին քաղաքականության որոշումների հստակեցմանը, որոնք արտացոլվեցին շրջայցին հաջորդած ուղերձում։
Ինչպես ասաց քաղաքական գործիչը, Հայաստանի արտաքին քաղաքականության ուղղումները շարունակվում են առայսօր։
«Նախագահի ելույթը ՀՀԿ համագումարում և նրա խոսքերն այն մասին, որ Թուրքիան համապատասխան պատասխան կստանա հարաբերությունների բարելավման և ղարաբաղյան հակամարտության հարցերը միմյանց կապելու դեպքում, դրա վկայությունն է»,- ասաց նա։
Նա նշեց նաև դրական փոփոխությունները Հայաստանի նկատմամբ ԵԽԽՎ-ում և այն նախադրյալները, որ ԱՄՆ-ն և Մեծ Բրիտանիան կբարելավեն իրենց վերաբերմունքը ԼՂՀ նկատմամբ։ -0-
