/Նովոստի-Արմենիա/. Dell-ը հայկական շուկայում մեծ պոտենցիալ է տեսնում և ծրագրում է 2010թ. Հայաստանում 50%-ով ավելացնել վաճառքի ծավալները, լրագրողներին ասաց Dell ընկերության ԱՊՀ երկրների գծով մենեջեր, առևտրի բաժնի պատասխանատու Անտոն Պոլսկին:
Միաժամանակ Պոլսկին չներկայացրեց Հայաստանում Dell-ի վաճառքի ներկայիս ծավալները։
Նա նշեց, որ 2009 թվականի առաջին կիսամյակում որոշակի անկում է նկատվել ԱՊՀ շուկայում, սակայն ներկայումս իրավիճակւ սկսում է կայունանալ, ընկերություններն ավելի շատ են սկսել ներդրումներ կատարել տեխնոլոգիաների զարգացման և ենթակառուցվածքի նորմացման գործում, ինչի կապակցությամբ արդեն 2009 թվականի վերջին եռամսյակում ընկերությունը զգալի աճ է գրանցել։
«2009 թվականի համեմատ մենք նախատեսում ենք 2010 թվականին ավելացնել վաճառքը 50 տոկոսով ԱՊՀ երկրներում և նույնքան էլ Հայաստանում»,- ասաց Պոլսկին։
Նրա խոսքերով՝ հայկական շուկայում բավական մեծ մասսայականություն է վայելում սերվերային գիծը, որը համեմատաբար վերջերս է թարմացվել, մասնավորապես, սերվերների 11-րդ սերունդը։
Չնայած ճգնաժամին՝ սերվերային սարքավորման վաճառքի աճը բավականին շոշափելի է և նախորդ տարվա համեմատ աճել է 15 տոկոսով՝ չնայած ճգնաժամին։
Հիմնական շեշտադրումն, ինչպես նշեց ընկերության ներկայացուցիչը, 2010 թվականին կդրվի կորպորատիվ հաճախորդների վրա, որտեղ ընկերությունը մտադիր է ընդլայնել աշխատանքը փոքր և միջին ձեռնարկությունների հետ, քանի որ սերվերային լուծումը նրանց համար մեծ հետաքրքրություն է ներկայացնում։
«Հայաստանի շուկան աճող է, և չնայած ճգնաժամին՝ մենք մեծ ներուժ ենք տեսնում, մասնավորապես, բանկային համակարգում»,- ասաց Պոլսկին։
Միաժամանակ նա նշեց, որ ԱՊՀ երկրների թվում ըստ վաճառքի Հայաստանը ոչ բարձր տեղ է գրավում, ինչի կապակցությամբ Dell-ն ավելի ակտիվ ուշադրություն է դարձնում ԱՊՀ երկրներին, և Հայաստանը տարածաշրջանի առանցքային երկրներից է։
«Այժմ մենք չենք նայում գործընկերային ցանցի ընդլայնմանը, քանի որ հիմնական շեշտադրումն անում ենք մեր գործընկերների և կորպորացիայի մասնակցության ընդլայնմանը հայկական շուկայում տեղի ունեցող բոլոր գործընթացներում»,- ասաց Պոլսկին։
Հայաստանում գործում են նաև կորպորացիայի կենտրոններ տեղական գործընկերների բազայի վրա։ -0-
