Հայաստանում արդեն արձանագրվել է 5 հիվանդ H1N1 գրիպի կասկածով

Նոյեմբերի 11-ի դրությամբ  Հայաստանի Հանրապետությունում արձանագրվել է 5 հիվանդ՝ H1N1 գրիպի  կասկածով, հաղորդում է ՀՀ առողջապահության նախարարության մամուլի ծառայությունը:

Տեղեկատվության համաձայն՝ բոլոր դեպքերը բերովի են` 3-ը Ռուսաստանից, իսկ 2-ը` Իրանի Իսլամական Հանրապետությունից:

Իրանի քաղաքացիներից մեկը համապատասխան բուժում ստանալուց հետո առողջացել և հիվանդանոցից դուրս է գրվել, իսկ մնացած 4-ը շարունկում են ստանալ  համապատասխան բուժում «Նորք» ինֆեկցիոն հիվանդանոցում:

Բոլոր հիվանդներից լաբորատոր հետազոտության համար վերցված նմուշները ուղարկվել են Լոնդոնի ռեֆերենս լաբորատորիա:-0-