ԵՐԵՎԱՆ, 31 հուլիսի. /Նովոստի-Արմենիա/. Հայ սկաուտների չորրորդ բանակումը կանցկացվի Հայաստանում 2010 թվականին, ուրբաթ լրագրողներին հայտնեց հայ ազգային սկաուտական շարժման ատենապետ Հրաչյա Շմավոնյանը։
Նա նշեց, որ Հայաստանում ներկայումս հաշվվում է սկաուտական շարժման շուրջ 2 հազար ակտիվ և մոտ 10 հազար պասիվ անդամներ։
«Ենթադրաբար, բանակումը կանցկացվի 2010 թվականի հուլիս-օգոստոսին»,- ասաց Շմավոնյանը։
Միաժմանակ Շմավոնյանը տեղեկացրեց, որ Հայաստանում առայժմ չի նախատեսվում սկաուտական շարժման գործառույթների ընդլայնում մինչև մարզական թևի ձևավորում, ինչը համապատասխան ֆինանսական ռեսուրսներ է պահանջում։
Միաժամանակ նա հիշեցրեց, որ Հայաստանում մինչև 1995 թվականը գործել է Հայ մարմնակրթական ընդհանուր միության մարզական թևը։
Հայ մարմնակրթական ընդհանուր միությունը մարզական և սկաուտական կազմակերպություն է, որը հիմնվել է 1918 թվականին։ Այսօր Միությունը ներկայացված է 100 ստորաբաժանումներով աշխարհի 25 երկրներում և ունի ավելի քան 25 հազար անդամ։ -0-
