Երևանում հունիսի 26-ին տեղի կունենա «Արևելյան գործընկերություն և ժողովրդավարություն կառուցելու հեռանկարները Հարավային Կովկասում» միջազգային գիտաժողովը։
Ինչպես «Նովոստի-Արմենիա» գործակալությանը չորեքշաբթի հայտնեցին Կովկասի ինտիտուտից, համաժողովին կմասնակցեն գիտնականներ, դիվանագետներ, ոչ կառավարական հատվածի և միջազգային կազմակերպություններi ներկայացուցիչներ ։
Զեկուցումներով հանդես կգան հայտնի փորձագետներ, Հայաստանի և Ռուսաստանի քաղաքացիական հասարակության ներկայացուցիչներ, ինչպես նաև Հենրիխ Բյոլի հիմնադրամի տնօրեն Իրիս Քեմփենը և Սլովակիայի արտաքին քաղաքականության հետազոտական կենտրոնի տնօրեն Ալեքսանդր Դուլեբը:
Գիտաժողովի ընթացքում կներկայացվի TESEV հիմնադրամի թուրք աշխտակիցներ Այբարս Գյորգուլու և Սաբիհա Գունդոգարի, ինչպես նաև Կովկասի ինստիտուտի աշխատակիցներ Ալեքսանդր Իսկանդարյանի և Սերգեյ Մինասյանի համատեղ պատրաստած զեկույցը` «Հայ-թուրքական երկխոսություն. արատավոր շրջանից դուրս գալու փնտրտուքներ» թեմայով:
Գիտաժողովի կազմակերպիչներն են Կովկասի ինստիտուտը և Հարավային Կովկասում Հենրիխ Բյոլի անվան հիմնադրամը։-0-
