Երիտասարդին ձերբակալել են տարեց կնոջ սպանության կասկածով

ՀՀ իրավապահ մարմինները ձերբակալել են 22-ամյա երիտասարդին՝ Արարատի մարզի Կանաչուտ  գյուղի 73-ամյա բնակչուհի Ասիա Թովմասյանի սպանության կասկածով, երկուշաբթի տեղակացվում է ՀՀ ոստիկանության օպերատիվ ամփոփագրում։

«Մայիսի 24-ին, ժամը 10.10-ին, Արարատի մարզի Կանաչուտ գյուղի մի բնակիչ ահազանգել է ոստիկանության Արտաշատի բաժին և հայտնել, որ 73-ամյա Ասիա Թովմասյանի տանը հայտնաբերվել է վերջինիս դին` բռնության հետքերով: Ավելի ուշ պարզվել է, որ 22-ամյա Վարազդատ Հ.-ն, նույն օրը, ժամը 01.00-ի սահմաններում, ալկոհոլային խմիչք օգտագործած վիճակում, շահադիտական դրդումներով, գումար հափշտակելու նպատակով մուտք է գործել Ա. Թովմասյանի բնակարան, դանակով հարվածներ է հասցրել մարմնի տարբեր մասերին և դեռևս չպարզված առարկայով հարվածելով վերջինիս գլխին` սպանել է նրան և ոչինչ չգողանալով` դիմել փախուստի»,- ասված է հաղորդագրության մեջ:

Վարազդատ Հ.-ն ձերբակալված է: Կատարվում է նախաքննություն:-0-