Ռուսաստանը դեմ է հանդես գալիս ղարաբաղյան հակամարտությունը դրսից լուծելու որոշմանը, ուրբաթ Երևանում տեղի ունեցած «Անվտանգությունն ու համագործակցությունը Կովկասում և նրա շուրջ» միջազգային համաժողովի ընթացքում հայտնեց ՌԴ անվտանգության խորհրդի քարտուղարի տեղակալ Յուրի Զուբակովը։
«Կենսունակ կլինի միայն Կովկասում խաղաղության և կայունության ամրապնդման մասին որոշումը, որը կհանգեցնի ռազմական, քաղաքական կամ տնտեսական մրցակցության»,- ասաց Զուբակովը։
Նա նշեց, որ Ռուսաստանը ողջունում է Հայաստանի և Ադրբեջանի նախագահների՝ կանոնավոր դարձած հանդիպումները, սակայն գլխավոր վերջնական որոշման պատասխանատվությունը պետք է դրված լինի հակամարտության կողմերի վրա։
«Թեև բազային կարգավորման հիմնական սկզբունքների վերաբերյալ որևէ համաձայնություն չկա, դրա միտումը խելամիտ, սակայն զգուշավոր լավատեսության հիմքեր է տալիս»,- ասաց Զուբակովը։
Ըստ նրա, կարևոր է չկառուցել վերացական, իրական իրավիճակից հեռու գլոբալիստական ծրագրեր, որոնք նկատի են առնում միայն մի կողմի շահերը, այլ ձգտել նմանատիպ հիմնախնդիրների իրական կարգավորման։
Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին։
1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։
Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։
1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։ Պատերազմի հետևանքով երկու կողմից զոհվեց մոտավորապես 25-30 հազ մարդ և մոտ մեկ միլիոնը ստիպված եղավ լքել բնակավայրերը։
Զինադադարի ռեժիմի մասին համաձայնությունը պահպանվում է մինչ այժմ։
1992 թ.-ից մինչ օրս ընթանում են բանակցություններ հակամարտության խաղաղ կարգավորման ուղղությամբ ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան։-0-
