ԵԱՀԿ երևանյան գրասենյակի նախագահը կարծում է, որ Հայաստանի նախագահական ընտրություններին Exit poll չանցկացնելու պատճառները օբյեկտիվ են. ԵԱՀԿ

ԵԱՀԿ երևանյան գրասենյակի նախագահ, դեսպան Սերգեյ Կապինոսը կարծում է, որ Հայաստանի նախագահական ընտրություններին Exit poll չանցկացնելու պատճառները օբյեկտիվ են։ Նա նման կարծիք հայտնեց «Նովոստի-Արմենիա» գործակալության թղթակցի հետ հարցազրույցի ժամանակ։

 Միաժամանակ նա պարզաբանեց, որ այդ հարցը չի մտնում ԵԱՀԿ-ի տեղական գրասենյակի լիազորությունների մեջ։

«Որքանով ինձ հայտնի է, խոսքը գնում է այն մասին, որ առաջադրվել և քննարկվել է ՀՀ նախագահի ընտրությունների ժամանակ Exit poll-ի անցկացման հարցը, որը, վերջիվերջո, պատշաճ աջակցություն չի ստացել մի շարք օբյեկտիվ պատճառներով», - ասաց նա։

Ինչպես կարծում է Կապինոսը, նման որոշում կայացնելու հիմնական պատճառներից մեկը այն է, որ ձեռք չի բերվել հստակ պատկերացում, թե ով պետք է անցկացնի Exit poll –ը, իսկ դա, նրա խոսքերով, շատ կարևոր հարց է։

Հունվարի 18-ին Հայաստանում ԱՄՆ դեսպանատունը և Միջազգային զարգացման ԱՄՆ գործակալությունը (USAID) որոշում են կայացրել չիրականացնել Exit poll՝ 2008 թ.-ի փետրվարի 19-ին կայանալիք ՀՀ նախագահի ընտրությունների ժամանակ։

Exit poll –ը չի անցկացվելու այն պատճառով, որ Միջազգային հանրապետական ինստիտուտին (IRI) և Baltic Surveys Ltd/Gallup-ին չի հաջողվել հարցի բոլոր ընթացակարգերի մասին պայմանավորվածություն ձեռք բերել և չի գտնվել բոլոր կողմերը բավարարող որոշում։-0-