Համաշխարհային բանկը սկսում է Հայաստանի օժանդակության 2008-2012 թթ.-ի նոր ռազմավարության մշակումը

Համաշխարհային բանկը սկսում է Հայաստանի օժանդակության 2008-2012 թթ.-ի  նոր ռազմավարության մշակումը։ Ինչպես հինգշաբթի «Նովոստի-Արմենիա» գործակալությանը տեղեկացրեցին Հայաստնաի կառավարության աշխատակազմի հասարակայնության հետ կապերի վարչությունից, այս մասին հինգշաբթի հայտարարել է Համաշխարհային  բանկի  Եվրոպայի և Կենտրոնական Ասիայի տարածաշրջանային փոխնախագահ Շիգեո Կացուն՝ Հայաստանի վարչապետ Սերժ Սարգսյանի հետ հանդիպման ժամանակ:

ՀԲ-ի փոխնախագահի խոսքերով, Հանրապետության  հետ  համագործակցության  առաջիկա տարիներին  ներգրավվելիք  ռեւսուրսները  ենթադրում են, որ  շեշտադրումը  լինելու է երկրորդ և երրորդ  սերնդի  բարեփոխումների,  հաստատությունների  ինստիտուցիոնալ  բարեփոխումների վրա.

«Հայաստանը  պետք է պահպանի  իր մրցունակությունը»,- ասել է Կացուն։

ՀԲ-ի փոխնախագահը վարչապետի հետ խոսել է պետական կառավարման արդյունավետության բարձրացման, պետական մարմինների  թափանցիկության  առավել  մեծացման, հարկային և մաքսային  վարչարարությունների կատարելագործման,  կոռուպցիայի դեմ պայքարի  մասին:

Կացուի խոսքերով, մրցունակության մասին  խոսելիս պետք է առանձնահատուկ  ուշադրություն  դարձնել  տրանսպորտային  խնդիրներին, հաշվի առնելով Հայաստանի շրջափակումը և դրանից բխող  բոլոր խնդիրները։

 «Անհրաժեշտ է հնարավորինս  խթանել  տրանսպորտային խնդիրների  լուծումը,  փորձել ավելի  նպաստավոր պայմաններ ստեղծել», - ասել է նա։

Կացուն,  երկաթուղու հիմնախնդիրը համարելով  այս շարքի  կարևորագույն խնդիրներից մեկը,  հանդիպման առիթն օգտագործելով, շնորհավորել է  ՀՀ վարչապետին` երկաթուղու հաջող  մրցութային  գործընթացի կապակցությամբ:

Սերժ Սարգսյանն իր հերթին համոզմունք է հայտնել, որ ՀԲ-ի  օժանդակությամբ ու  խորհրդատվությամբ Հայաստանի  կառավարությունն  ի վիճակի կլինի  նշված  խնդիրները լուծել և շարունակել առաջընթացը:

1992 թ.-ից ՀԲ-ն Հայաստանին է տրամադրել 1,1 միլիարդ դոլարի վարկ։-0-