Հայաստանի նախագահական ընտրությունները պետք է ապացուցեն երկրում ժողովրդավարության անշրջելիությունը – ՀՀԿ անդամ
Հայաստանում կայանալիք նախագահական ընտրությունները պետք է միջազգային հանրությանը ապացուցեն հանրապետությունում ժողովրդավարական գործընթացների անկշրջելիությունը։ Այս մասին ուրբաթ Երևանում լրագրողներին ասաց Հայաստանի Հնարապետական կուսակցության խորհրդարանական խմբակցության քարտուղար Սամվել Նիկոյանը։
«Բոլոր քաղաքական ուժերը պետք է նախագահական ընտրություններին մոտենան առանձնահատուկ պատասխանատվությամբ, որպեսզի ապացուցենք միջազգային հանրությանը Հայաստանում ժողովրդավարական գործընթացների անշրջելիությունը»,- ասաց նա։
Պատգամավորի կարծիքով, նախագահական ընտրություններում թեկնածուների պակաս չի լինի։
«Արդեն այսօր կան քաղաքական գործիչներ, որոնք հայտարարել են նախագահական ընտրություններում իրենց թեկնածությունն առաջադրելու մասին։ Մեզ լավ մրցակցություն է սպասում»,- հավելեց նա։
Նիկոյանը նշեց, սպասվելիք ընտրությունը լինելու է «անհատների և իրականացված աշխատանքի պայքար»։ «Քիչ ընտրողներ են նախապատվություն տալիս գաղափարախոսություններին, մեծամասնությունը հետևում է թեկնածուների անհատականությանը»,- պարզաբանեց Նիկոյանը։
Պատգամավորը հավելեց նաև, որ ՀՀԿ-ն նախագահական ընտրությունների մասնակցության իր ծրագրերը կնարկայացնի 2007-ի սեպտեմբերին կայանալիք կուսակցության համագումարից հետո։
Հայաստանի նախագահական ընտրությունները կանցկացվեն 2008-ի առաջին կիսամյակում։ Նախագահական ընտրություններին իրենց թեկնածությունն են առաջադրել, ՀՀ վարչապետ, ՀՀԿ առաջնորդ Սերժ Սարգսյանը, «Օրինաց Երկիր» կուսակցության ղեկավար Արթուր Բաղդասարյանը, Ազգային-ժողովրդավարական միության ղեկավար, Հայաստանի նախկին վարչապետ Վազգեն Մանուկյանը, «Նոր Ժամանակներ» կուսակցության ղեկավար Արամ Կարապետյանը, Հայաստանի մարքսիստական կուսակցության ղեկավար Դավիթ Հակոբյանը, Ժողովրդավարական կուսակցության առաջնորդ Տիգրան Կարապետյանը։--0—
