Ադրբեջանի իշխանություններն իրենց քաղաքականության զոհն են. Հայաստանը պետք է պատրաստ լինի նոր հարձակման. փորձագետ (ՎԻԴԵՈ)
15:59
15 Օգոստոսի 2020
ԵՐԵՎԱՆ, 15 օգոստոսի./Նովոստի-Արմենիա/. Ադրբեջանը փորձելու է նորից ռազմական ճանապարհով ինչ-որ մի հատվածում խնդիր լուծել, քանի որ այդ երկիրը սեփական քաղաքականության զոհն է դարձել: Այս մասին «Նովոստի-Արմենիա» գործակալության «Հատուկ կարծիք» հաղորդաշարի շրջանակում հայտնել է ռազմական փորձագետ Արթուր Եղիազարյանը:
“Ադրբեջանը տարիներով իր հանրությանը սնուցել է, որ իրենք ավելի ուժեղ են, իրենք ավելի պատրաստված են, կարող են ռազմավականա ճանապարհով խնդիրը լուծել: Եվ դրա համար այս սխալ մոտեցումը կա Ադրբեջանի հանրության մոտ, որ իրենք ակնկալում են ռազմական ճանապարհով խնդրի լուծում: Եվ այսօր Ադրբեջանի իշխանություններն հենց իրենց քաղաքականության զոհն են, այսինքն, հիմա կամ պետք է գնան կռվեն, կամ ասեն՝ ես չեմ կարող կռվել: Երկու տարբերակն էլ փակուղային է»,- նշել է փորձագետը:
Загружается новость ... "Лево"
Եղիազարյանն ընդգծել է, որ հուլիսյան դեպքերը դրա վառ արտահայտությունն են. Ադրբեջանը փորձեց ներքին խնդիրներից շեղելու համար որոշակի ռազմական փոքրիկ հաջողություն գրանցել:
«Միաժամանակ դա կարող էինք ասել, որ վարժանք կարող էին դիտարկել իրենց ժողովրդին պատրաստելու արցախյան ճակատում հետագայում ավելի մեծ ռազմական գործողության անցնելու համար»,- հայտնել է նա:
Փորձագետը նշել է, որ Արցախյան ճակատի ցանկացած կետում մի փոքր կայծը կարող է անկանխատեսելի բռնկվել ամբողջ ճակատով մեկ, բայց Հայաստանի պարագայում ադրբեջանցիները լավ գիտեին, որ շատ մեծ տեղաշարժեր զորային չեն լինելու: Նրանք հասկանում էին, որ գործողություններն այդտեղ դժվար թե մեծ ռազմական պատերազմի վերածվեն:
«Մենք պետք է մի բան հստակ իմանանք, որ Ադրբեջանը չի մարսում այս ամենը, վերջինս փորձելու է նորից ռազմական ճանապարհով ինչ-որ մի հատվածում խնդիր լուծել, մեզ մնում է մեր զգոնությունը բարձր պահել անկախ վերջին իրադարձություններից: Ադրբեջանը բանակցային տարբերակով ուղղակի լուծում չի տեսնում, չի գնում դրան»,- հայտնել է
Նա նաև նշել է, որ այն դիրքը, որը Ադրբեջանը կորցրել է հուլիսյան դեպքերի ժամանակ, իրականում ՀՀ տարածքում էին եղել: Այնպես որ Ադրբեջանը չի կարող ոչ միջազգային հարթությունում, ոչ մեկ այլ տեղ բողոքարկել այդ կորուստը: -0-
Հայ-ադրբեջանական սահմանին իրավիճակի սրման մասին
Հուլիսի 12-ից 17-ը հայ-ադրբեջանական սահմանին Ադրբեջանը Հայաստանի դեմ ագրեսիվ գործողություններ է հայկական հենակետերի ուղղությամբ: Ադրբեջանի ԶՈՒ-ն սահմանային դիրքը գրավելու մի քանի փորձ է կատարել տանկի, հրետակոծության, հաուբիցի, անօդաչու թռչող սարքերի և «Գրադ» ՀԿՌՀ-ի օգտագործմամբ:
Հակառակորդը հրետակոծել է հայկական հենակետերը, նաև թիրախավորել բնակելի տարածքներ՝ Չինարի, Այգեպար, Ներքին Կարմիրաղբյուր և Պառավաքար գյուղերը, ինչպես նաև Բերդ քաղաքը: Հարվածի տակ են հայտնվել Տավուշի երկու ձեռնարկություն:
ՀՀ ԶՈՒ-ն ոչնչացրել է Ադրբեջանի ԶՈՒ-ի 13 հարվածային ԱԹՍ:
ՀՀ ԶՈՒ-ի կողմից խոցվել է հակառակորդի տանկ, հրետանային և ականանետային մարտկոցների կրակային դիրքեր: Հուլիսի 17-ից հայ-ադրբեջանական սահմանին հարաբերական անդորր է:
Հակառակորդի կրակոցից հայկական կողմում զոհվել է 5 զինծառայող: Ադրբեջանում պաշտոնապես հաստատվել է 12 զոհ, հայկական կողմը նաև հաղորդում է ոչ պակաս, քան 10 ադրբեջանական հատուկջոկատայինների մահվան մասին: -0-
