411.34
6.55
395.29
+13
Եղանակը Երևանում
Հայ

Ընդդիմադիր պատգամավորը հայտնում է, որ ՀՀ-ն Թուրքիային է փոխանցել Քուրդիստանի աշխատավորական կուսակցության մարտիկներին, ՀՀ-ից մեկնաբանում են

23:28
25 Սեպտեմբերի 2022

ԵՐԵՎԱՆ, 25 սեպտեմբերի./Նովոստի-Արմենիա/. «Հայաստան» ընդդիմադիր խմբակցության պատգամավոր Գեղամ Մանուկյանը Facebook-յան իր էջում հայտնել է, որ ՀՀ-ն Թուրքիային է փոխանցել Քուրդիստանի աշխատավորական կուսակցության ազատամարտիկների՝ Աթիլլա Չիչեքին և Հուսեյին Յըլդրըմին:

Մանուկյանի հայտարարությունը

Մանուկյանը նշել է, որ նրանք ազատամարտիկներ են, հեղափոխականներ, որ պայքարել են սեփական ժողովրդի ազատագրության համար, պայքարել թուրքական բռնատիրության դեմ:

Մանուկյանն անթույլատրելի է համարել մարտիկներին Թուրքիային փոխանցելը, որն իրականացրել է Հայոց ցեղասպանությունը: Նա նաև հիշեցրել է, որ Թուրքիան ակտիվորեն մասնակցել է հայկական կողմի դեմ սանձազերծված 44-օրյա պատերազմին:

«Քրդական աղբյուրները հայտնում են, որ Լեհենգ և Ալիշեր գաղտնանուններն ունեցած երկու մարտիկները հանձնվել են թուրքական գաղտնի սպասարկությանը՝ MIT-ին։ Թուրքերն իրենց հերթին հպարտությամբ հայտարարում են, որ տարիներ շարունակ որոնվող երկու քրդերը իրենց ձեռքում են հայտնվել գաղտնի հետախուզական գործողության արդյունքում», - գրել է Մանուկյանը:

Նա նաև նշել է, որ նման դեպքն աննախադեպ է և մեղադրել է գործող իշխանություններին՝ նշելով, որ, հնարավոր է, դա արվել է վարչապետ Նիկոլ Փաշինյանի և Թուրքիյայի նախագահ Ռեջեփ Էրդողանի միջև հոկտեմբերի 6-ին Պրահայում նախատեսված հանդիպման նախաշեմին, որը չի բացառել հայկական կողմը:
Նրա խոսքով, ՀՀ առաջին ատյանի դատարանը կայացրած է եղել որոշում, որից հետո անհասկանալի իրավիճակում խախտվել են ՀՀ օրենքները։



ԱԱԾ-ի արձագանքը

ՀՀ ԱԱԾ-ին արձագանքել են Մանուկյանի հայտարարությանը՝ նշելով, որ շրջանառվող տեղեկությունները չեն համապատասխանում իրականությանը:

«Հաշվի առնելով սոցիալական ցանցերում, զանգվածային լրատվության տարբեր միջոցներով հասարակա-քաղաքական գործունեություն իրականացնող որոշ անհատների կողմից ազգությամբ քուրդ Աթիլլա Չիչեքին և Հուսեյին Յըլդրըմին Թուրքիային արտահանձնելու վերաբերյալ ՀՀ ազգային անվտանգության ծառայության հասցեին հնչեցվող անհիմն ու մերկապարանոց քննադատությունները՝ տեղեկացնում ենք, որ շրջանառվող ստահոդ լուրերը ոչ միայն չեն համապասխանում իրականությանը, այլև չունեն որևէ իրավական հիմք. դրանցով փորձ է կատարվում թիրախավորել Ծառայությանը», - նշել են ԱԱԾ-ից։

ԱԱԾ-ն նշել է, որ քրեական վարույթների շրջանակներում դատապարտված անձանց հանձնման գործընթացը դուրս է Ծառայության լիազորությունների շրջանակից։
«Ազգային անվտանգության ծառայությունը հորդորում է զերծ մնալ պետական կառույցների հեղինակությունը արատավորող երկրի արտաքին անվտանգությունը խաթարող ապատեղեկատվություն տարածելու անթույլատրելի գործելաոճից և զգուշացնում է, որ Ծառայությունն իր լիազորությունների շրջանակում ստուգողական գործողությունների միջոցով հետամուտ է լինելու պարզելու ստահոդ լուրեր տարածողների իրական շարժառիթները և քողարկված մղումները», - նշել են ԱԱԾ-ից:

Արդարադատության նախարարության արձագանքը

Նախարարությունից նշել են, որ գերատեսչությունն ազգությամբ քուրդ Աթիլա Չիչեքին և Հուսեյին Յըլդրըմին չի փոխանցել Թուրքիային:

«Ի լրումն Ազգային անվտանգության ծառայության տարածած հաղորդագրության՝ տեղեկացնում ենք, որ Արդարադատության նախարարությունն է իրավասու դատապարտյալին փոխանցել իր քաղաքացիության երկիր պատժի մնացած մասը կրելու նպատակով։ Սակայն, Արդարադատության նախարարության կողմից համացանցում տարածված՝ ազգությամբ քուրդ Աթիլա Չիչեքին և Հուսեյին Յըլդրըմին Թուրքիային փոխանցում չի իրականացվել։ Ավելին, Արդարադատության նախարարությունում նշված անձանց հանձնման կամ փոխանցման վերաբերյալ հարց չի քննարկվել», - նշել են Արդարադատության նախարարությունից:



Քրդական կողմի արձագանքը

Քուրդիստանի համայնքների միությունն իր հերթին դատապարտել է հայկական իշխանությունների կողմից Աթիլլա Չիչեքին և Հուսեյին Յըլդրըմին հանձնումը Թուրքիային:

«Իրականում նրանք ձերբակալվել են ՀՀ կառավարության կողմից 2021թ.-ի նոյեմբերին և փոխանցվել են Թուրքիային դավաճանության արդյունքում», - նշվում է միության հայտարարության մեջ:

Քուրդիստանի համայնքների միությունը կոչ է արել Փաշինյանի կառավարությանն անհապաղ հրաժարվել «ցեղասպանություն իրականացնող թուրքական գաղութային պետության հետ համագործակցությունից և ներողություն խնդրել հայ և քուրդ ժողովուրդների առաջ նման միջադեպի համար»:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
16:13
21 Նոյեմբերի 2022
Հայաստանի և Ադրբեջանի միջև հակամարտությունը չի մտնում ՀԱՊԿ իրավասության մեջ. ՌԴ դաշնային խորհրդի փոխխոսնակ
ՌԴ դաշնային խորհրդի փոխխոսնակը հայտարարել է, որ Հայաստանի և Ադրբեջանի միջև հակամարտությունը չի մտնում ՀԱՊԿ իրավասության մեջ
22:14
11 Նոյեմբերի 2022
Փաշինյանը դրական է գնահատում Թուրքիայի նախագահի հետ հանդիպումն
Փաշինյանի խոսքով՝ եթե հաջողվի երրորդ երկրների քաղաքացիների համար բացել Հայաստան-Թուրքիա սահմանը, ապա դա շատ լուրջ առաջընթաց կլինի
12:51
11 Նոյեմբերի 2022
Փաշինյանը մեղադրել է Ալիևին Սոչիի համաձայնագիրը կոպտորեն խախտելու մեջ
Փաշինյանը մեղադրել է Ալիևին Սոչիի համաձայնագիրը կոպտորեն խախտելու մեջ
12:34
11 Նոյեմբերի 2022
ԱՄՆ-ն կաջակցի Ադրբեջանին Իրանի դեմ դիմակայության հարցում. Պետդեպ
Պետդեպի ներկայացուցիչը հայտարարել է, որ իրենց համար պարզ էր, որ Իրանը սպառնալիք է ներկայացնում տարածաշրջանի համար
14:29
04 Նոյեմբերի 2022
ԵՄ դիտորդական առաքելության ղեկավարն ԱԳ նախարարին է ներկայացրել առաջիկա աշխատանքները Հայաստանում (ՎԻԴԵՈ)
ԵՄ դիտորդական առաքելության ղեկավարն ԱԳ նախարարին է ներկայացրել առաջիկա աշխատանքները Հայաստանում. ՎԻԴԵՈ
13:38
04 Նոյեմբերի 2022
ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանը. ՆԱՏՕ–ի գլխավոր քարտուղարի հատուկ ներկայացուցիչ
ԱՏՕ–ի գլխավոր քարտուղարի հատուկ ներկայացուցիչը հայտարարել է, որ ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանը
15:55
02 Նոյեմբերի 2022
Հայաստանի այսօրվա իշխանությունն ամենապրոռուսականներից մեկն է. ԱԺ նախագահ
Ալեն Սիմոնյանի խոսքով, Հայաստանի այսօրվա իշխանությունն ամենապրոռուսականներից մեկն է
15:35
31 Հոկտեմբերի 2022
Հայաստանը շահագրգռված է ԱՄՆ-ի ավելի խորքային ներգրավմանը մեր երկրի անվտանգության զարգացման ապահովման հարցում. ԱԺ նախագահ
Ալեն Սիմոնյանը հայտարարել է, որ Հայաստանը շահագրգռված է ԱՄՆ-ի ավելի խորքային ներգրավմանը մեր երկրի անվտանգության զարգացման ապահովման հարցում
13:36
31 Հոկտեմբերի 2022
Սաղաթելյանը կոչ է արել բոլոր քաղաքական ուժերին համախմբվել Արցախի համար պայքարի շուրջ
«Դիմադրություն» ընդդիմադիր շարժումը նոյեմբերի 5–ին Երևանում կազմակերպում է հանրահավաք` ի պաշտպանություն Արցախի պահանջների
20:15
28 Հոկտեմբերի 2022
«Եթե չկա Լեռնային Ղարաբաղ, ապա ինչի՞ տակ է ստորագրել Ալիևը». Սիմոնյանը «տեղն է դրել» ադրբեջանցի խոսնակին (ՎԻԴԵՈ)
«Եթե չկա Լեռնային Ղարաբաղ, ապա ինչի՞ տակ է ստորագրել Ալիևը». Սիմոնյանը «տեղն է դրել» ադրբեջանցի խոսնակին. ՎԻԴԵՈ
22:17
25 Հոկտեմբերի 2022
Զատուլին. ՌԴ ԱԳՆ-ն պատրաստվում է հարցում ուղարկել ՀՀ ԱԳՆ-ին՝ իրավիճակը պարզաբանելու համար
Զատուլինը հայտնել է, որ ՌԴ ԱԳՆ-ն պատրաստվում է հարցում ուղարկել ՀՀ ԱԳՆ-ին՝ իրավիճակը պարզաբանելու համար