ԵՐԵՎԱՆ, 10 մայիսի./Նովոստի–Արմենիա/. Երևանում մեկնարկել են քաղաքացիական անհնազանդության ակցիաները։
ԱԺ փոխխոսնակ, «Հայաստան» ընդդիմադիր խմբակցության ներկայացուցիչ Իշխան Սաղաթելյանը նախօրեին հանրահավաքի ժամանակ կոչ արեց մայիսի 10–ին կազմակերպել գործադուլ և դասադուլ։ Նա նշեց, որ անհնազանդության ակցիաներն այսօր մեկնարկելու են ժամը 12։00–ին փոքր կենտրոնի սահմաններից դուրս և նշեց երթերի մեկնարկի հասցեները։
«Առաջինը` Գայի պողոտա` «Մեգամոլ» առևտրի կենտրոնի մոտից, երկրորդըէ` Րաֆֆու փողոց` Անդրանիկի արձանի մոտից, երրորդը` 15 թաղամաս` Չավուշի արձանի մոտից, չորրորդը` Սասունցի Դավթի արձանի մոտից։ Վաղը ժամը 12։00–ին շարժվում ենք այդ կետերից և ամբողջովին արգելափակում ենք քաղաքը», – նշեց Սաղաթելյանը։
Երեկոյան 19։00–ին հերթական օրվա արդյունքները կամփոփվեն Ֆրանսիայի հրապարակում նախատեսված հանրահավաքի ժամանակ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում