ԵՐԵՎԱՆ, 2 մարտի./Նովոստի–Արմենիա/. Երրորդ համաշխարհային պատերազմը, եթե այն տեղի ունենա, կլինի միջուկային և ավերիչ։ Ինչպես հաղորդում է
ՏԱՍՍ–ը, այս մասին հայտարարել է ՌԴ ԱԳ նախարար Սերգեյ Լավրովը Aljazeera հեռուստաալիքին տված հարցազրույցում, որի հատվածը հրապարակվել է այսօր հեռուստաալիքի Twitter–ում։
«Երրորդ համաշխարհային պատերազմը կլինի ավերիչ, միջուկային պատերազմ», – ասել է նախարարը։
Լավրովը նաև ուշադրություն է դարձրել ԱՄՆ նախագահ Ջո Բայդենի խոսքերին, ով հայտարարել է, որ Մոսկվայի նկատմամբ Վաշինգտոնի կիրառած կոշտ պատժամիջոցներին այլընտրանք կարող էր լինել երրորդ համաշխարհային պատերազմը։
Լավրովը նաև
հայտարարել է, որ Ռուսաստանի հատուկ ռազմական օպերացիան ուղղված է Ուկրաինայի ապասպառազինմանը։ Մոսկվան թույլ չի տա Կիևին ստանալ միջուկային զենք։
«Ուկրաինայում, այդ թվում` Կիևում իրականացվող ռազմական օպերացիան ուղղված է Ուկրաինայի ապասպառազինմանը։ Ռուսաստանը թույլ չի տա Ուկրաինային ստանալ միջուկային զենք», – մեջբերում է հեռուստաալիքը Լավրովի խոսքերը։
Ավելի վաղ Ուկրաինայի նախագահ Վլադիմիր Զելենսկին, ելույթ ունենալով Մյունխենի անվտանգության կոնֆերանսին, հնարավոր է համարել, որ Կիևը կարող է վերանայել Բուդապեշտի հուշագրով ստանձնած պարտավորությունները, որը նախատեսում է հրաժարում միջուկային զենքից` անվտանգության երաշխիքների դիմաց։–0–
