ԵՐԵՎԱՆ, 9 փետրվարի./Նովոստի-Արմենիա/. Եթե Հայաստանը դիմի ՀԱՊԿ-ին՝ ռազմական օգնության նպատակով, այն կտրամադրվի: Այս մասին այսօր հայտարարել է ՀԱՊԿ գլխավոր քարտուղար Ստանիսլավ Զասը:
«Եթե նման դիմում լինի, ապա արտակարգ արձագանքման մեր բոլոր կենտրոնները, մեխանիզմները կգործարկվեն», - հայտարարել է նա Վալդայ ակումբի համաժողովի շրջանակում, հաղորդում է
«Իզվեստիան»:
Ինչպես ավելացրել է ՌԴ ԱԳ փոխնախարար Ալեքսանդր Պանկինը, երբ նկատվում է ծայրահեղ վիճակ, մասշտաբային իրադարձություններ, ինչպես դա եղավ Ղազախստանում, կարելի է այդպես արձագանքել նաև դաշնակցի պաշտոնական դիմումին:
«Դաշնակիցների և այլ հարևանի միջև հավասար հեռավորության հարց չկա», - ավելացրել է նա:-0-
