ԵՐԵՎԱՆ, 19 սեպտեմբերի./Նովոստի–Արմենիա/. ԱՄՆ պետքարտուղար Էնթոնի Բլինքենը կիրակի Ադրբեջանի նախագահ Իլհամ Ալիևի հետ հեռախոսազրույցում կոչ է արել պահպանել Հայաստանի հետ հրադադարի ռեժիմը և աշխատել բանակցությունների միջոցով Բաքվի և Երևանի միջև չլուծված հարցերի կարգավորման ուղղությամբ։ Այս մասին հեռախոսազրույցի արդյունքում հայտնել է ԱՄՆ Պետդեպի մամուլի ծառայությունը, հաղորդում է
ՏԱՍՍ–ը։
Загружается новость ... "Лево"
«Պետքարտուղարը ողջունել է Հայաստանի և Ադրբեջանի միջև վերջերս գրանցված ռազմական գործողությունների դադարեցումը։ Նա կոչ է արել նախագահ Ալիևին պահպանել հրադադարի ռեժիմը, իրականացնել զորքի փոխադարձ հետքաշում և աշխատել խաղաղ բանակցությունների միջոցով Հայաստանի և Ադրբեջանի միջև բոլոր չլուծված հարցերի կարգավորման ուղղությամբ», – նշվում է հաղորդագրության մեջ։
Հայաստանի նկատմամբ Ադրբեջանի ագրեսիայի մասին
Սեպտեմբերի 13-ին ժամը 00:05-ից Ադրբեջանի ԶՈւ-ն հրետանային միջոցներից, խոշոր տրամաչափի հրաձգային զինատեսակներից սկսել է ինտենսիվ կրակ վարել Գորիսի, Սոթքի և Ջերմուկի ուղղությամբ: Հակառակորդը կիրառել է նաև հարվածային ԱԹՍ-ներ: Հայկական կողմի զոհերի թիվն այս պահի պաշտոնական տվյալներով 135 է, կան բազմաթիվ վիրավորներ: Հայաստանի անվտանգության խորհրդի քարտուղար Արմեն Գրիգորյանը սեպտեմբերի 14-ին հայտնել էր, որ միջազգային հանրության ներգրավվածության շնորհիվ հաջողվել է ձեռք բերել հրադադարի պայմանավորվածություն։-0-