ԱՄՆ–ն օգտագործում է Հայկական հարցը Թուրքիայի վրա ճնշում գործադրելու համար. Սաֆրաստյան
15:33
31 Հոկտեմբերի 2019
ԵՐԵՎԱՆ, 31 հոկտեմբերի./Նովոստի–Արմենիա/. ԱՄՆ–ն օգտագործում է Հայկական հարցը Թուրքիայի վրա ճնշում գործադրելու համար, հայտարարեց ՀՀ ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը «Նովոստի–Արմենիա» մամուլի կենտրոնում կայացած ասուլիսի ժամանակ։
ԱՄՆ Ներկայացուցիչների պալատի անդամները նախօրեին ընդունել են թիվ 296 բանաձևը, որով ճանաչում ու դատապարտում են Օսմանյան կայսրությունում տեղի ունեցած Հայոց ցեղասպանությունը։ Փաստաթղթի կողմ է քվեարկել 405 կոնգրեսական, դեմ` 11–ը, ձեռնպահ է մնացել 3 կոնգրեսական։
«Դա ակնհայտ է։ Շատ հետաքրքրիր է, որ ամերիկյան կոնգրեսն ընդունում է մեկ այլ բանաձև, որը պատժամիջոցներ է սահմանում Թուրքիայի դեմ Հյուսիսային Սիրիայում իրականացվող գործողությունների համար։ Կապն այստեղ ակնհայտ է, և դա քաղաքական իրողություն է», – ասաց փորձագետը։
Загружается новость ... "Лево"
ԱՄՆ Կոնգրեսի Ներկայացուցիչների պալատը երեքշաբթի հավանություն է տվել Թուրքիայի դեմ պատժամիջոցների փաթեթին և դրա ֆինանսական հատվածին Սիրիայի հյուսիս–արևելքում Անկարայի կողմից իրականացվող ռազմական գործողությունների և ռուսական С-400 զենիթահրթիռային համակարգերի գնման կապակցությամբ։
Չնայած դրան, Սաֆրաստյանն ընդգծեց, որ Ներկայացուցիչների պալատի կողմից թիվ 296 բանաձևի ընդունումը կարևոր իրադարձություն է Հայոց ցեղասպանության ճանաչման պատմության մեջ և այն պետք է ողջունել։
«Տեղի է ունեցել կարևոր իրադարձություն, որը նշանավորում է կարևոր հանգրվան Հայոց ցեղասպանության ճանաչման և դատապարտման գործընթացում։ Եվ այդ գործընթացը պետք է շարունակել», – ասաց Սաֆրաստյանը։
Փորձագետը վստահություն հայտնեց, որ մոտ ապագայում մի շարք երկրներ կհետևեն ԱՄՆ օրինակին, քանի որ Միացյալ Նահանգների հեղինակությունն աշխարհում շատ բարձր է։
Սաֆրաստյանը նաև նշեց, որ Հայոց ցեղասպանության ճանաչումը գործընթաց է, որը կապված է նաև աշխարհաքաղաքականության հետ։ Այդ համատեքստում, նրա կարծիքով, հարկավոր է ճիշտ օգտագործել տարբեր երկրների քաղաքական կոնյուկտուրան Թուրքիայի նկատմամբ նրանց վերաբերմունքի կապակցությամբ։–0–
Լավրովը հայտարարել է, որ Հայաստանի ղեկավարությունը հորինված պատրվակներով, խեղաթյուրելով վերջին երեք-երեքուկես տարվա պատմությունը, միտումնավոր տանում է Ռուսաստանի Դաշնության հետ հարաբերությունների փլուզման
Փաշինյանը հայտարարել է, որ Հայաստանն ակնկալում է, որ Թուրքիայի հռետորաբանությունը նպատակաուղղված չի լինի տարածաշրջանային լարվածության ավելացմանը, այլ կնպաստի տարածաշրջանում երկխոսության ու համագործակցության խթանմանը