ԶԼՄ–ները հայտնում են Սարգսյանի ղեկավարությամբ ՀՀԿ գործադիրի առաջիկա նիստի մասին

ԵՐԵՎԱՆ, 18 հունվարի. /Նովոստի–Արմենիա/. Հայաստանի հանրապետական կուսակցության գործադիր մարմնի նիստը կանցկացվի ուրբաթ` հունվարի 18–ին, երկրի նախկին նախագահ Սերժ Սարգսյանի գլխավորությամբ։ Այս մասին գրում է «Ժողովուրդ» թերթը։

Ինչպես պարբերականին է հայտնել ՀՀԿ կազմակերպչական հարցերի հանձնաժողովի ղեկավար Ռուբեն Թադևոսյանը, նիստի օրակարգը կձևավորվի տեղում։ Թերթը նշում է, որ սա կուսակցության առաջին նիստն է այս տարի։

Այն հարցին, թե արդյո՞ք ծրագրվում են փոփոխություններ գործադիր մարմնում, Թադևոսյանը նշեց, որ մարմնի կազմից դուրս է եկել միայն Սամվել Ֆարմանյանը։ -0-