ԵՐԵՎԱՆ, 4 նոյեմբերի. /Նովոստի-Արմենիա/. Թուրքիայում վտանգավոր գործընթացներ են կատարվում, կարծում է տեղեկատվական անվտանգության փորձագետ Սամվել Մարտիրոսյանը:
Թուրքիայի ողջ տարածքում ձերբակալվում են Ժողովուրդների դեմոկրատիայի կուսակցության (ԺԴԿ) քրդամետ ընդդիմադիր պատգամավորները: Hurriet-ի տվյալներով, իշխանությունները մեղադրում են ձերբակալվածներին Քրդստանի աշխատավորական կուսակցության հետ կապեր ունենալու մեջ, որը 1984 թ.-ից զինված պայքար է մղում Թուրքիայի իշխանությունների հետ` թուրքական Քրդստանին անկախություն տրամադրելու համար, և Թուրքիայում ճանաչված է որպես ահաբեկչական կազմակերպություն:
«Թուրքիայում շատ վտանգավոր գործընթացներ են կատարվում։ Քրդական HDP պատգամավորներին են ձերբակալել, արգելափակել են սոցցանցերը, զուգահեռ քրդերը գմփցրել են Դիարբեքիրում», - գրել է Մարտիրոսյանը Facebook-ի իր էջում:
Նա նաև հայտնել է, որ այս ամենի հետ մեկտեղ խոսում են, որ սկսվել է ներխուժումը Իրաք։
«Սա դեռ ճշտված չէ, բայց Բաղդադը խոսք է տվել այս դեպքում պատերազմ սկսել», - պարզաբանել է փորձագետը:
Ավելի վաղ Թուրքիայի նախագահ Ռեջեփ Թայիփ Էրդողանը վավերացրել է օրենք, որը թույլ է տալիս զրկել պատգամավորներին խորհրդարանական իմունիտետից, որից հետո մեղադրանքներ են առաջադրվել ԺԴԿ մի շարք անդամներին:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
