Փաշինյանը ելույթ կունենա Մոսկվայում՝ ԵՏՄ-ում նախագահությունը Հայաստանին անցնելու կապակցությամբ

ԵՐԵՎԱՆ, 19 հունվարի. /Նովոստի-Արմենիա/. ՀՀ վարչապետ Նիկոլ Փաշինյանը հանդես կգա Մոսկվայում՝ ԵՏՄ-ում նախագահությունը Հայաստանին անցնելու կապակցությամբ:

«Դավոսից հետո (կիրակի Փաշինյանը մասնակցելու է Դավոսի համաշխարհային տնտեսական համաժողովի) կլինեմ Մոսկվայում, Եվրասիական տնտեսական հանձնաժողովի գրասենյակում: Այս տարի Հայաստանը ստացել է նախագահությունը ԵՏՄ-ում, ինչի կապակցությամբ պետք է ելույթ ունենամ», - ասաց Փաշինյանը Facebook–յան իր էջից ուղիղ եթերով քաղաքացիների հետ շփվելու ժամանակ:

2018 թ.-ի դեկտեմբերի 6-ին Ռուսաստանի նախագահ Վլադիմիր Պուտինը Սանկտ Պետերբուրգում կայացած Եվրասիական տնտեսական բարձրագույն խորհրդի նիստի ժամանակ Հայաստանին է փոխանցել նախագահությունը ԵՏՄ-ում:-0-