ՄՈՍԿՎԱ, 31 հոկտեմբերի. /Նովոստի–Արմենիա/. Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը «Եվրասիական ինտեգրում» XII միջազգային համաժողովի շրջանակում կազմակերպված ճեպազրույցի ժամանակ։
Նրա խոսքով, Եվրասիական զարգացման բանկը բանակցություններ է վարել Ադրբեջանի հետ, քննարկվել են հնարավոր համատեղ ծրագրեր, առաջին հերթին` տրանսպորտային ոլորտի ծրագրեր։
Загружается новость ... "Лево"
«Որևէ սարսափելի բան չեն տեսնում, եթե և′ Հայաստանը, և′ Ադրբեջանը մասնակցեն ԵԶԲ–ի միևնույն ֆինանսական ինստիտւտում։ Երկու երկրներն էլ Առևտրի և զարգացման սևծովյան բանկի անդամներեն։ Հարկավոր է շփման եզրեր փնտրել», – ասաց նա։
Նա նաև նշեց, որ երկրի մասնակցությունը ԵԶԲ–ում դեռ չի նշանակում, որ այն ԵՏՄ–ի անդամ կդառնա։
«Օրինակ, Տաջիկստանը ԵԶԲ–ի անդամ է, սակայն ԵՏՄ–ի անդամ չէ», – հավելեց նա։
Եվրասիական զարգացման բանկը Ռուսաստանի և Ղազախստանի կողմից 2006 թվականի հունվարին հիմնված միջազգային ֆինանսական կազմակերպություն է, որն օժանդակում է անդամ պետությունների շուկայական էկոնոմիկայի զարգացմանը, դրանց կայուն տնտեսական աճին և փոխադարձ առևտրատնտեսական կապերի ընդլայնմանը։ ԵԶԲ–ի կանոնադրական կապիտալը կազմում է 7 մլրդ դոլար։ Բանկի անդամ պետություններն են Հայաստանի Հանրապետությունը, Բելառուսի Հանրապետությունը, Ղազախստանի Հանրապետությունը, Ղրղըզստանի Հանրապետությունը, Ռուսաստանի Դաշնությունը, Տաջիկստանի Հանրապետությունը։