ԼՂՀ նախագահը հանդիպել է Բոստոնի հայ համայնքի ներկայացուցիչների հետ
14.11.2007,
16:51
ԼՂՀ նախագահը հանդիպել է Բոստոնի հայ համայնքի ներկայացուցիչների հետ
ՍՏԵՓԱՆԱԿԵՐՏ, 14 նոյեմբերի./Նովոստի-Արմենիա/. ԱՄՆ-ում գտնվող ԼՂՀ նախագահ Բակո Սահակյանը հանդիպել է Բոստոնի հայ համայնքի ներկայացուցիչների հետ։
Ինչպես «Նովոստի-Արմենիային» տեղեկացրեցին ԼՂՀ նախագահի աշխատակազմի տեղեկատվության գլխավոր վարչությունից, նախօրեին ԼՂՀ նախագահը Բոստոնի «Ազգային ժառանգություն» հիմնադրամում հանդիպում է ունեցել հայ ուսանողության հետ:
Նույն օրը նախագահ Բակո Սահակյանը հանդիպել է նաև «Վարդանանց ասպետներ» հասարակական կազմակերպության ներկայացուցիչների հետ:
Հանդիպումների ընթացքում քննարկվել են Արցախում տիրող սոցիալ-տնտեսական իրավիճակին, ղարաբաղյան հակամարտության կարգավորման հեռանկարներին, ինչպես նաև Հայրենիք-Սփյուռք հարաբերությունների խորացմանը վերաբերող մի շարք հարցեր:--0—
Պատճենել հղումը
