ԵՐԵՎԱՆ, 20 հոկտեմբերի./Նովոստի-Արմենիա/. Կոնգրեսմեն Գրեյս Նապոլիտանոն ԱՄՆ Ներկայացուցիչների պալատ է ներկայացրել Արցախ անկախության ճանաչման մասին բանաձևը: Այս մասին նա հայտնել է իր Twitter-ի միկրոբլոգում:
«Այս հպարտ հանրապետության քաղաքացիները մարմնավորում են մեր սեփական անկախության հռչակագրի խոսքերը, որը ամերիկացիների և ողջ աշխարևհի համար հաստատել է, որ կառավարության ճշմարիտ իշխանությունը բխում է կառավարելիների համաձայնությունից»,- նշվում է կոնգրեսմենի հայտարարության մեջ:
Նշվում է, որ այսօր, երբ Արցախի խաղաղ բնակիչների գլխավերևում «չի դադարում Ադրբեջանի կողմից արձակվող հրթիռների և ռումբերի անձրևը, կարևորը ոչ պարզապես պատմությունը հարգելը կամ օրենքը պահելն է»:
«Ազատությունն առկա միակ պատասխանն է, որը թույլ է տալիս Արցախին գոյատևել՝ պատմության, իրավունքի և գոյատևման վրա հիմնված անջատումը: Ետդարձի ճանապարհ չկա այլևս: Արցախը չպետք է վերադառնա Ադրբեջանի կազմի մեջ: Դեպի առաջ տանող ճանապարհը՝ ազատության ճանապարհն է, և հենց այդ պատճառով ես այսօր կոչ եմ անում, որ Միացյալ Նահանգները պաշտոնապես ճանաչեն Արցախի Հանրապետությունը»,- նշվում է հաղորդագրության մեջ:
