Ադրբեջանում գտնվող ահաբեկիչները մտել են Չեչնիա և գտնվում են Իրանի հետ սահմանին. Արցախի նախագահի խորհրդական (ՎԻԴԵՈ)

ԵՐԵՎԱՆ, 14 հոկտեմբերի․ /Նովոստի-Արմենիա/․ Ադրբեջանում գտնվող ահաբեկիչները տեղակայված են Դաղստանի մերձակայքում և Իրանի հետ սահմանին, չորեքշաբթի ճեպազրույցում ասաց Արցախի նախագահի արտաքին գործերի խորհրդական Դավիթ Բաբայանը։

«Թուրքիայի կողմից տարածաշրջան բերված ահաբեկիչները ներթափանցել են Ռուսաստանի տարածք և հասել մինչև Չեչնիա, Ռուսաստանի սուբյեկտ, որը սահմաններ չունի Ադրբեջանի և պատերազմական գոտու հետ (Արցախում - խմբ.): Այսինքն, ինչպես տեղեկացրել էինք միջազգային հանրությանը, ահաբեկիչների մի մասը տեղակայված է Դաղստանի սահմաններում և դրա միջոցով հասել է Չեչնիա», - ասաց Բաբայանը:

Նա չբացառեց, որ ներկայումս ահաբեկիչների տարբեր խմբավորումներ թաքնվում են Դաղստանի և հյուսիսկովկասյան այլ սուբյեկտների անտառներում: