Ժամանակավորապես դադարեցվելու է Արցախի գազամատակարարումը

ԵՐԵՎԱՆ, 28 հունիսի./Նովոստի-Արմենիա/. Արցախի Հանրապետության տարածք մտնող մայրուղային բարձր ճնշման գազատար խողովակի վրա տեխնիկական աշխատանքներով պայմանավորված՝ ս․թ․ հունիսի 29-ից մինչև հուլիսի 5-ն ընկած ժամանակահատվածում հանրապետության ողջ տարածքում դադարեցվելու է գազամատակարարումը։ Այս մասին հայտնում է Արցախի տեղեկատվական շտաբը՝ հղում անելով «Արբախգազ» ՓԲԸ-ին:

««Արցախգազ» ՓԲ ընկերությունն այս առթիվ հայցում է իր բոլոր բաժանորդների ներողամտությունը և հորդորում համապատասխանաբար պլանավորել գազասպառումը՝ պահպանելով անվտանգության բոլոր կանոնները», - նշվում է հաղորդագրության մեջ։

Աշխատանքների ավարտի և գազամատակարարման վերականգնման մասին հանրությունը լրացուցիչ կտեղեկացվի։-0-