Իրականում որքա՞ն հայ է ապրել Շուշիում. փորձագետը պատասխանել է Փաշինյանի սկանդալային հայտարարությանը (ՎԻԴԵՈ)
20:05
21 Հունվարի 2021
ԵՐԵՎԱՆ, 21 հունվարի./Նովոստի–Արմենիա/. ԶԼՄ–ներում և սոցցանցերում մեծ արձագանք է ստացել նախօրեին ԱԺ–ում ՀՀ վարչապետ Նիկոլ Փաշինյանի հայտարարությունն այն մասին, որ Շուշիի բնակչության 90%–ն ադրբեջանցիներ էին։
Загружается новость ... "Лево"
Նախօրեին ԱԺ–ում կառավարության հարցուպատասխանի ժամանակ ՀՀ վարչապետ Նիկոլ Փաշինյանն ասել է. «Ցանկանում եմ ձեր ուշադրությունը հրավիրել առ այն, որ նախքան ազատագրումը Շուշիի բնակչության 90 և ավելի տոկոսը կազմել են ադրբեջանցիները: Այսինքն՝ դուք ուզում եք ասել, որ 90 և ավելի տոկոս ադրբեջանցի բնակչություն ունեցող Շուշի քաղաքը հայկակա՞ն էր իր այդ կարգավիճակով: Եվ մեկ էլ ասում եք, որ հայտարարել ես, որ Արցախը Հայաստան է, եթե դուք համարում եք, որ Արցախը Հայաստան չէ և դա ձեր դիրքորոշումն է, ուրեմն ձևակերպեք այդ դիրքորոշումը և պաշտոնապես արձանագրեք»։
Կովկասի ինստիտուտի գիտաշխատող, տնտեսագետ և քաղաքագետ Հրանտ Միքայելյանը հերքել է վարչապետի հայտարարությունները` ներկայացնելով փաստեր։
«Երեկ Փաշինյանը պայթեցրեց հերթական ինֆորմացիոն ռումբը` հայտարարելով, որ Շուշիում եղել է 90% ադրբեջանական բնակչություն, այնպես որ ադրբեջանցիների վերադարձի դեպքում քաղաքը կդառնար ադրբեջանական», – գրել է Միքայելյանը Facebook–յան իր էջում։
Իրականում, ընդգծել է փորձագետը, պատմականորեն Շուշին եղել է երկհամայնքային քաղաք` հայերի գերակայությամբ։
«Ավելի քան 90% ադրբեջանական բնակչություն Շուշի քաղաքում ապրել է երկու անգամ` երկուսն էլ հայկական ջարդերից հետո` 1920 և 1988թթ.–ին։ Ինչու՞ է Փաշինյանը հղում անում հենց այդ ժամանակաշրջանին։ Եթե անգամ նայենք խորհրդային ժամանակաշրջանին, երբ ժողովրդագրությունը հիմնականում ձևավորվում էր 1920թ.–ի հայկական ջարդերի արդյունքներով, ապա քաղաքում հայկական բնակչություն կար, չնայած մշտապես կրճատվում էր», – նշել է Միքայելյանը։
Նա նաև ընդգծել է, որ բոլոր տեղացի ադրբեջանցիների և իրենց ժառանգների վերադարձի դեպքում անգամ` մոտ 10 հազար մարդ, քաղաքը չէր դառնա 90%–ով ադրբեջանական, չնայած ադրբեջանցիները կգերակայեին և կկազմեին 70.4%։
«Թերևս դա չէր կարող տեղի ունենալ վայրկենաբար, փախստականների վերադարձի համար անհրաժեշտ է կառուցել նոր բնակարանային ֆոնդ», – փաստում է տնտեսագետը։
Նրա խոսքով, հասկանալի է, թե ինչու պետք է հորինել նման բան, որպեսզի հետին թվով արդարացնել Շուշիի կորուստն ու հենց դրանից հետո Արցախի կապիտուլյացիայի ստորագրումը։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ