584.78
6.68
494.78
+22
Եղանակը Երևանում
Հայ

Հրադադարի ժամանակ Ադրբեջանը թիրախավորել է վիրավոր տեղափոխող շտապօգնության մեքենան, բժիշկներ են մահացել. ԱՆ–ն դիմել է ԱՀԿ–ին (ՖՈՏՈ)

00:24
12 Հոկտեմբերի 2020

ԵՐԵՎԱՆ, 12 հոկտեմբերի./Նովոստի–Արմենիա/. ՀՀ առողջապահության նախարար Արսեն Թորոսյանը բաց նամակ է հղել Առողջապահության համաշխարհային կազմակերպության գլխավոր տնօրեն Թեդրոս Ադհանոմ Ղեբրեյեսուսին, որում պատմել է Արցախի դեմ իրականացվող Ադրբեջանի ռազմական ագրեսիայի մասին աշխարհում COVID-19–ի դեմ պայքարի պայմաններում։

«Ձեզ եմ գրում՝ արտահայտելու իմ մեծ մտահոգությունը՝ պայմանավորված Արցախի Հանրապետության (Լեռնային Ղարաբաղ) դեմ Ադրբեջանի ռազմական ոտնձգությամբ: Այսօր, երբ ամբողջ աշխարհը պայքարում է COVID-19 համավարակի դեմ, երբ միջազգային հանրությունը կենտրոնացնում է իր ջանքերը՝ համավարակի սոցիալ-տնտեսական հետևանքները մեղմելու համար, և երբ բոլոր ղեկավարները, ներառյալ ՄԱԿ-ի գլխավոր քարտուղարը, կոչ են անում համաշխարհային հրադադարի, Ադրբեջանի զինված ուժերը, ձեռնարկեցին լայնածավալ օդային, հրթիռային և ցամաքային գրոհներ Լեռնային Ղարաբաղի և Ադրբեջանի շփման գծի ողջ երկայնքով՝ թիրախավորելով քաղաքացիական բնակավայրերը, ենթակառուցվածքներն ու դպրոցները, ներառյալ մայրաքաղաք Ստեփանակերտում, ինչի արդյունքում ունենք բազմաթիվ զոհեր և ավերածություններ քաղաքացիական բնակչության շրջանում: Ադրբեջանի ագրեսիան տեղի է ունենում համաշխարհային առողջապահական ճգնաժամի ֆոնին, ինչը խստորեն խոչընդոտում է կորոնավիրուսային հիվանդության ազգային, տարածաշրջանային և համաշխարհային արձագանքման ջանքերին և նպաստում վիրուսի տարածմանը», – նշվում է Թորոսյանի բաց նամակում, որը հրապարակել է ՀՀ առողջապահության նախարարության մամուլի ծառայությունը:

Թորոսյանը նշել է, որ Լեռնային Ղարաբաղի խաղաղ բնակչության դեմ Ադրբեջանի կողմից սանձազերծված ռազմական հարձակումը, որն իրականացվել է անմիջականորեն Թուրքիայի և Թուրքիայի կողմից սատարվող օտարերկրյա ահաբեկչական մարտիկների ներգրավմամբ, հանգեցրել է տարածաշրջանում հակամարտության ամենաուժեղ և կործանարար սրմանը 1990-ականներից ի վեր: Թուրք-ադրբեջանական այս ցեղասպան դաշինքը գնալով ավելի շատ ավերածություններ է առաջացնում, զուգորդվելով COVID-19-ի համավարակի տարածումով:

«Չնայած, քաղաքացիական ենթակառուցվածքների, այդ թվում՝ մարդասիրական և բնապահպանական օբյեկտների անընդհատ ռմբակոծությանը, մեր բժշկական անձնակազմը կատարում է իր պարտականությունները՝ պայքարելով վիրավորների, այդ թվում՝ Ադրբեջանի ռազմական ուժերի կանխամտածված և դիտավորյալ հարձակումների արդյունքում ծանր վիրավորված օտարերկրյա լրագրողների կյանքի ու առողջության համար: Ցավոք, իրենց ծառայությունը կատարելիս մահացու վիրավորվեցին նաև մի շարք բուժաշխատողներ: Հոկտեմբերի 11-ին, երբ հայտարարված է հրադադար, նույնիսկ այդ ժամանակ Ադրբեջանը թիրախավորել է վիրավոր տեղափոխող շտապօգնության մեքենան», – նշել է Թորոսյանը։

ՀՀ առողջապահության նախարարն ընդգծել է, որ ներկայումս մենք ականատես ենք մարդասիրական աղետի Արցախի Հանրապետությունում, երբ քաղաքացիական խաղաղ բնակչությունը զրկված է հիմնական բժշկական ծառայություններից և սարսափում է ռմբակոծություններից ու հրթիռային հարվածներից: Ողջ խաղաղ բնակչությունը՝ ներառյալ երեխաներն ու տարեցները, իրենց կյանքն ու առողջությունը կորցնելու մշտական վտանգի տակ են:

«Մենք հորդորում ենք Առողջապահության համաշխարհային կազմակերպությանը, որը հանդիսանում է COVID-19 համավարակի դեմ պայքարի աշխատանքները համակարգող առաջատար կազմակերպությունը, համապատասխան միջոցներ ձեռնարկել Ադրբեջանի ռազմական ագրեսիայի հետևանքով մարդասիրական աղետը կասեցնելու և COVID-19- ի երկրորդ ալիքի սրումը կանխելու համար: Եթե Ադրբեջանի կողմից այս զանգվածային ռազմական ագրեսիան շարունակի թիրախավորել Լեռնային Ղարաբաղի խաղաղ բնակչությանն ու ենթակառուցվածքները, ապա համաշխարհային հանրային առողջապահական հանրությունը չի կարողանա վիրուսի կործանարար հետևանքներից պաշտպանել բնակչության խոցելի խմբերին». – ընդգծել է Թորոսյանը:–0–





Partners News
Partners News
ԱՌԿԱ գործակալություն
Բաժնի այլ նյութեր
10:25
16 Հուլիսի 2021
Ադրբեջանական կողմը կրկին կրակահերթեր է արձակել Շուշիից, ռուս խաղաղապահները տեղեկացվել են միջադեպի մասին
Ադրբեջանական կողմը կրկին կրակահերթեր է արձակել Շուշիից, ռուս խաղաղապահները տեղեկացվել են միջադեպի մասին
13:44
14 Հուլիսի 2021
Արցախի ՊԲ–ն հերքում է Շուշիի մատույցներում կրակ բացելու մասին Ադրբեջանի մեղադրանքները
Արցախի ՊԲ–ն հերքում է Շուշիի մատույցներում կրակ բացելու մասին Ադրբեջանի մեղադրանքները
10:10
14 Հուլիսի 2021
Շուշիի մոտ կրակոցներ են հնչել. ՄԻՊ–ը մանրամասներ է ներկայացրել
Շուշիի մոտ կրակոցներ են հնչել. ՄԻՊ–ը մանրամասներ է ներկայացրել
14:05
13 Հուլիսի 2021
Խստագույնս դատապարտում ենք Ադրբեջանի կողմից օտարերկրյա դիվանագիտական առաքելությունների աշխատակիցների այցի կազմակերպումը Արցախի օկուպացված տարածքներ, այդ թվում՝ Շուշի.ԱԳՆ
Արցախի ԱԳՆ–ն խստագույնս դատապարտում է Ադրբեջանի կողմից օտարերկրյա դիվանագիտական առաքելությունների աշխատակիցների այցի կազմակերպումը Արցախի օկուպացված տարածքներ, այդ թվում՝ Շուշի
20:33
09 Հուլիսի 2021
Այսօր Հադրութի շրջանից տարհանվել է 3 աճյուն, ընդհանուր առմամբ հայտնաբերվել է 1601 աճյուն․ԱԻՊԾ
Այսօր Հադրութի շրջանից տարհանվել է  3 աճյուն, ընդհանուր առմամբ հայտնաբերվել է 1601 աճյուն
19:49
09 Հուլիսի 2021
Մեր օրակարգում հարցերի հարցը Արցախի կարգավիճակի ճշգրտման խնդիրն է. Նիկոլ Փաշինյանն՝ Արայիկ Հարությունյանին (ՎԻԴԵՈ)
Վարչապետի պաշտոնակատար Նիկոլ Փաշինյանը կառավարությունում հանդիպում է ունեցել Արցախի Հանրապետության նախագահ Արայիկ Հարությունյանի հետ.ՎԻԴԵՈ
15:30
07 Հուլիսի 2021
Ադրբեջանի ագրեսիայի հետևանքով զոհվել է Արցախի 750 քաղաքացի. ՄԻՊ–ը թարմ տվյալներ է ներկայացնում
Ադրբեջանի ագրեսիայի հետևանքով զոհվել է Արցախի 750 քաղաքացի. ՄԻՊ–ը թարմ տվյալներ է ներկայացնում
11:15
02 Հուլիսի 2021
Սոցիալական ցանցերից հեռացնել կամ փակել հեռախոսահամարները, հասցեներն ու այլ անձնական տվյալներ. ՄԻՊ–ը դիմում է արցախցիներին
Սոցիալական ցանցերից հեռացնել կամ փակել հեռախոսահամարները, հասցեներն ու այլ անձնական տվյալներ. ՄԻՊ–ը դիմում է արցախցիներին
12:19
01 Հուլիսի 2021
Շուտով Կարմիր Շուկա-Շուշի ճանապարհից ադրբեջանական կողմն այլևս ընդհանրապես չի օգտվելու.Բեգլարյան (ՎԻԴԵՈ)
Արցախի պետական նախարար Արտակ Բեգլարյանն այսօր հայտարարեց, որ շուտով Կարմիր Շուկա-Շուշի ճանապարհից ադրբեջանական կողմն այլևս ընդհանրապես չի օգտվելու.Բեգլարյան (ՎԻԴԵՈ)
13:16
28 Հունիսի 2021
Ադրբեջանից և Թուրքիայից զանգում են արցախցիներին. ԱՀ ԱԱԾ–ի հայտարարությունը
Ադրբեջանից և Թուրքիայից զանգում են արցախցիներին. ԱՀ ԱԱԾ–ն զգուշացնում է
14:25
23 Հունիսի 2021
Լավրովն Ադրբեջանի ԱԳ նախարարի հետ քննարկել է Ղարաբաղի հարցում պայմանավորվածությունների իրականացումը
Լավրովն Ադրբեջանի ԱԳ նախարարի հետ քննարկել է Ղարաբաղի հարցում պայմանավորվածությունների իրականացումը
12:35
23 Հունիսի 2021
Պուտինը վճռորոշ է համարել Ռուսաստանի ներդրումը ղարաբաղյան հակամարտության կարգավորման հարցում
Պուտինը հայտարարել է, որ Ռուսաստանի ներդրումը ղարաբաղյան հակամարտության կարգավորման հարցում վճռորոշ էր