Հայաստանն ուսումնասիրում է Ադրբեջանի կողմից ֆոսֆորային արկերի կիրառությունը. Հովհաննիսյան (ՎԻԴԵՈ)

ԵՐԵՎԱՆ, 30 հոկտեմբերի./Նովոստի–Արմենիա/. Հայաստանն ուսումնասիրում է Ադրբեջանի կողմից ֆոսֆորային արկերի և միջոցների կիրառությունը, հայտարարեց ՀՀ ՊՆ ներկայացուցիչ Արծրուն Հովհաննիսյանն այսօր կայացած ճեպազրույցի ընթացքում։ 

«Մենք դեռ ուսումնասիրում ենք ֆոսֆորային արկերի և միջոցների կիրառությունը, բայց կարող եմ ասել, որ, ընդհանուր առմամբ, Ադրբեջանի կողմից Արցախի խաղաղ բնակչության նկատմամբ, հատկապես Շուշիում, Ստեփանակերտում, Մարտունիում, Մարտակերտում, Ասկերանում և այլ բնակավայրերում հանցագործության և մարդկանց դեմ արգելված զինատեսակների կիրառության մասով ևս մեկ անգամ ուզում եմ հրավիրել աշխարհի ուշադրությունը։ Արցախի հայությունն առաջին հերթին ենթարկվել է ագրեսիայի Ադրբեջանի կողմից», – ասաց նա։–0–