Ադրբեջանը ձերբակալել է Դավիթ Բաբայանին

ԵՐԵՎԱՆ, 30 սեպտեմբերի./Նովոստի-Արմենիա/. Ադրբեջանում ձերբակալվել է Լեռնային Ղարաբաղի նախկին արտգործնախարար և օգնական Դավիթ Բաբայանը, հայտնում է ՏԱՍՍ-ը՝ հղում անելով Ադրբեջանի դատախազությանը։

Ըստ առկա տվյալների՝ նրան մեղադրանք է առաջադրվել Ադրբեջանի քրեական օրենսգրքի մի շարք հոդվածներով, այդ թվում՝ ագրեսիվ պատերազմ ծրագրելը, նախապատրաստելը, և վարելը։

Սեպտեմբերի 28-ին Բաբայանը հայտնել էր, որ որոշել է ներկայանալ Ադրբեջանի իրավապահ մարմիններին:

«Սիրելի հայրենակիցներ, ընկերներ, կուսակցականներ, բոլորդ գիտեք, որ ես ընդգրկված եմ Ադրբեջանի սև ցուցակում, և ադրբեջանական կողմը պահանջել է իմ ժամանումը Բաքու՝ համապատասխան հետաքննության համար։ Որոշեցի այսօր Ստեփանակերտից մեկնել Շուշի: Իմ չներկայանալը կամ ավելի վատ՝ փախուստը լուրջ վնաս կհասցնի մեր բազմաչարչար ժողովրդին, շատ ու շատ մարդկանց, և ես՝ որպես ազնիվ մարդ, աշխատավոր, հայրենասեր և քրիստոնյա, չեմ կարող դա թույլ տալ։ Աստված օրհնի մեր ժողովրդին, թող Ամենազորը կրճատի նրա տառապանքը և ամոքի նրա վերքերը», - նշել է Բաբայանը:-0-