Ադրբեջանի կրակոցների հետևանքով Արցախում հրդեհվել է շուրջ 3 հեկտար տարածք, հակառակորդը կրակ է բացել հրշեջ մեքենայի ուղղությամբ.ՊԲ

ԵՐԵՎԱՆ, 18 օգոստոսի./Նովոստի–Արմենիա/. Օգոստոսի 17-ին՝ ժամը 20:40-ի սահմաններում, հակառակորդի արձակած կրակոցների հետևանքով հրդեհվել է Արցախի Հանրապետության հարավ-արևմտյան սահմանին կից շուրջ 3 հեկտար մակերեսով հատվածի խոտածածկը, հաղորդում է ԱՀ ՊԲ–ն: 

«Բռնկված հրդեհի մարման նպատակով դեպքի վայր է մեկնել հրշեջ ավտոմեքենա, սակայն ադրբեջանական զինուժը կրակ է բացել հրշեջ մեքենայի ուղղությամբ՝ խոչընդոտելով կրակի մարման աշխատանքներին», – նշվում է գերատեսչության հաղորդագրության մեջ: 

Հակառակորդի կողմից արձակված կրակոցներց հայկական կողմը կորուստներ չի ունեցել: 

Միջադեպի առնչությամբ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը:–0–