Ադրբեջանցի դիվերսանտների «մաքրման» աշխատանքները Շուշիի մերձակայքում. WarGonzo–ի բացառիկ կադրերը` օլիմպիական չեմպիոնի մասնակցությամբ (ՎԻԴԵՈ)
00:55
06 Նոյեմբերի 2020
ԵՐԵՎԱՆ, 6 նոյեմբերի./Նովոստի–Արմենիա/. Մերձամարտ, անդադար կրակոցներ, ավելի հարմար դիրքերի գրավում...Շուշիի մերձակայքում` Քարին տակի մոտ, ընթանում է Ադրբեջանի դիվերսիոն խմբերի մաքրման աշխատանքը, որոնք փորձում են հարձակվել գոնե ինչ–որ ուղղությամբ։
Загружается новость ... "Лево"
WarGonzo Տելեգրամ ալիքի հեղինակ Սեմյոն Պեգովը ներկայացրել է Շուշի բերդաքաղաքի մոտակայքում հակաահաբեկչական օպերացիայի բացառիկ կադրեր։
«Ուղիղ մեր կողքն ընթանում է հրաձգային մարտ։ Շարունակվում են մաքրման աշխատանքները։ Դիվերսիոն խմբերը, բնականաբար, փորձում են դուրս պրծնել շրջափակումից, նրանց գործողությունների տրամաբանությունը պարզ է, նրանց շարժին հետևում են օդից։ Տղաները պաշտպանում են ճանապարհը, մեկ էլ տեսար դիվերսիոն խմբավորումն ինչ–որ տեղից դուրս թռավ, պետք է պատրաստ լինել ամեն ինչի։ Բոլորը պատրաստ են ցանկացած պահի կրակ բացել», – ասում է Պեգովը։
Հենց առաջնագծում նկարահանող խումբ հանդիպեց հունահռոմեական ոճի ըմբիշ, օլիմպիական չեմպիոն Միհրան Հարությունյանին, ով 2016թ.–ին Ռիոյում անցկացված Օլիմպիադայի արծաթե մեդալակիր է։
«Այստեղ չեմպիոնը պահպանում է չեմպիոնին», – ասաց Միհրանը` պատասխանելով այն հարցին, թե ինչպես է հայտնվել այստեղ։
Ավելի ուշ նա օգնեց մարտի դաշտում վիրավորված զինծառայողին տեղափոխել ավելի անվտանգ տեղ, որպեսզի նրան բուժօգնություն ցուցաբերեն։–0–
Սամվել Շահրամանյանը հայտարարել է, որ Արցախի Հանրապետության իրավական դաշտում գոյություն չունի փաստաթուղթ, որով նախատեսվում է լուծարել պետական ինստիտուտները
Արցախի պետական ինստիտուտները Հայաստանում գործում են՝ ի՞նչ անեն, ի՞նչ ֆունկցիա պետք է իրականացնեն, Հայաստանի Հանրապետություն կա, որի ինստիտուտները գործում են, հայտարարել է ՀՀ նախագահը․ ՎԻԴԵՈ