Այսօր 20:30-ի դրությամբ խոցվել է 9 ԱԹՍ, որից 2-ը՝ ՀՀ տարածքում․ Արծրուն Հովհաննիսյան (ՎԻԴԵՈ)
18.10.2020,
22:25
Հյուսիսում հերթական անգամ հարձակման փորձ է կատարվել: Ադրբեջանի զինված ուժերը հետ են շպրտվել՝ որևէ նշանակալի հաջողություն չունենալով․ ՊՆ ներկայացուցիչ․ ՎԻԴԵՈ
ԵՐԵՎԱՆ, 18 հոկտեմբերի․ /Նովոստի-Արմենիա/․ Ադրբեջանը հերթական անգամ չպահպանեց հրադադարի կոչը, պայմանը: Վաղ առավոտվանից նորից մարտական գործողությունները շարունակվեցին նույն ուղղություններով: Այս մասին Հայկական միասնական տեղեկատվական կենտրոնում տեղի ունեցած ճեպազրույցի ժամանակ հայտնեց ՀՀ ՊՆ ներկայացուցիչ Արծրուն Հովհաննիսյանը։
Նա նշեց, որ հյուսիսում հերթական անգամ հարձակման փորձ է կատարվել: Ադրբեջանի զինված ուժերը հետ են շպրտվել՝ որևէ նշանակալի հաջողություն չունենալով:
Загружается новость ... "Лево"
«Նույն ժամանակ հարավային ուղղությամբ, օպերացիոն ընդհանուր ուղղությամբ երկու առանձին հատվածներում փորձել են հարձակողական գործողություններ ծավալել: Մեկ ուղղությամբ, հստակորեն ընկնելով հայկական զինված ուժերի հրետանու հուժկու կրակի տակ, փախուստի են դիմել, հետ են շպրտվել՝ կորցնելով զգալի թվով տեխնիկա, այդ թվում նաև մեծաքանակ զինամթերք»,- ասաց նա:
Հովհաննիսյանը նաև նշեց, որ 20:30-ի դրությամբ խոցվել է 9 ԱԹՍ, որից 2-ը՝ ՀՀ տարածքում:-0-
Պատճենել հղումը
