ԱՄՆ նախագահի խորհրդականը մտադիր է հանդիպել Մնացականյանի և Մամեդյարովի հետ

ԵՐԵՎԱՆ, 19 հունիսի./Նովոստի–Արմենիա/. ԱՄՆ նախագահի ազգային անվտանգության հարցերով խորհրդական Ջոն Բոլթոնը հայտարարել է, որ մտադիր է հանդիպել է Հայաստանի և Ադրբեջանի ԱԳ նախարարների հետ։

«Անհամբեր սպասում եմ այս շաբաթվա վերջ Հայաստանի և Ադրբեջանի ԱԳ նախարարների հետ հանդիպմանը` նրանց միջև երկխոսության շարունակությանը նպաստելու համար» , – գրել է Բոլթոնը Twitter–ի իր էջում։

Նա նաև ավելացրել է, որ ԱՄՆ–ն պատրաստ է աջակցել տարածաշրջանում խաղաղության առաջխաղացմանը։

Մի քանի ժամ առաջ ՀՀ ԱԳՆ մամուլի խոսնակ Աննա Նաղդալյանը Facebook–յան իր էջում հայտնել է, որ Վաշինգտոնում մեկնարկել է Հայաստանի ԱԳ նախարար Զոհրաբ Մնացականյանի հանդիպումը ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ։

Ավելի վաղ հաղորդվում էր, որ հունիսի 20–ին ԱՄՆ–ի մայրաքաղաքում, ԵԱՀԿ ՄԽ հովանու ներքո, նախատեսված է Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հերթական հանդիպումը։–0–

Looking forward to meetings later this week with the Foreign Minister of Armenia and the Foreign Minister of Azerbaijan, to encourage continued dialogue between them. The United States stands ready to assist in advancing the cause of peace in the region.

— John Bolton (@AmbJohnBolton) June 18, 2019