Խոշոր ավտովթար Երևանում. Jeep-ը բախվել է եզրաքարին ու կողաշրջված վիճակում հայտնվել Թոխմախի գերեզմանների տարածքում

ԵՐԵՎԱՆ, 10 հուլիսի./Նովոստի-Արմենիա/. Այսօր՝ հուլիսի 10-ին, խոշոր ավտովթար է տեղի ունեցել Երևանում:

Shamshyan.com-ի հաղորդմամբ, ժամը 16:40-ի սահմաններում, Jeep մակնիշի ավտոմեքենան Դավիթ-Բեկի փողոցում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, առաջ ընթացել և կողաշրջված վիճակում հայտնվել Թոխմախի գերեզմանների տարածքում:

Վթարի հետևանքով 1 մարդ հոսպիտալացվել է:

Վթարի փաստով նախաձեռնվել է քրեական վարույթ:

Պարեկային ծառայությունն ու քննչական բաժինը պարզում են վարորդի և վիրավորի ինքնությունը:-0-