ԵՐԵՎԱՆ, 12 փետրվարի․/Նովոստի–Արմենիա/․ Փետրվարի 11-ին, ժամը 22։56-ին Ճգնաժամային կառավարման ազգային կենտրոն ահազանգ է ստացվել, որ Երևանի Եղբայրության փողոցում տեղի է ունեցել ՃՏՊ՝ բախվել է երկու ավտոմեքենա, առկա է վառելիքի արտահոսք, հաղորդում է ՀՀ Փրկարար ծառայությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Hyundai Sonata» (վարորդ՝ Հ․ Մ․) և «Honda Odyssey» (վարորդ՝ Ա․ Մ․) մակնիշների ավտոմեքենաները. վառելիքի արտահոսք չկա:
Փրկարարները հոսանքազրկել են ավտոմեքենաները և «Honda Odyssey» մակնիշի ավտոմեքենայի ուղևորներ Հ․ Է․-ին և Ն․ Ս․-ին մոտեցրել շտապօգնությանը. տուժածները հոսպիտալացվել են բժշկական կենտրոն։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում