Հրդեհ է բռնկվել «Չինար» ռեստորանում. մեկնել է 4 մարտական հաշվարկ

ԵՐԵՎԱՆ, 13 հունիսի./Նովոստի–Արմենիա/. Այսօր կեսօրին հրդեհ է բռնկվել Երևանի Մոսկովյան փողոցում գործող «Չինար» ռեստորանում։

ՀՀ ԱԻՆ Փրկարար ծառայության հաղորդմամբ, հունիսի 13-ին, ժամը 12:01-ին «911» ծառայությանն ահազանգ է ստացվել, որ հրդեհ է բռնկվել Երևան քաղաքի Մոսկովյան 28 հասցեում գտնվող շենքի 1-ին հարկում, անհրաժեշտ է փրկարարների օգնությունը:

Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ հրշեջ-փրկարարական ջոկատից չորս մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:

Հրդեհը մեկուսացվել է ժամը 12:18-ին, մարվել՝ 12:30-ին: 

Ամբողջությամբ այրվել են «Չինար» ռեստորանի արտաքին ծխատար խողովակը (30 գմ), մուտքերից մեկի 8-9-րդ հարկերի պատուհանները (2 գմ), իսկ 6-7-րդ հարկերի պատուհանները՝  ջերմահարվել:–0–