Երևանում 25 տարեկան տղան ցած է նետվել շենքի 13–րդ հարկից. նա երկտող է թողել. ՄԱՆՐԱՄԱՍՆԵՐ

ԵՐԵՎԱՆ, 12 սեպտեմբերի. /Նովոստի–Արմենիա/. Քիչ առաջ դաժան ու ողբերգական դեպք է տեղի ունեցել Երևանում։

Ժամը 14։40-ի սահմաններում Ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Բաշինջաղյան 192 շենքի բակում երիտասարդ տղայի դի կա, հաղորդում է shamshyan.com–ը։  

Ոստիկաններն ու քննիչները նշված շենքի բակում հայտնաբերել են նույն շենքի բնակիչ 25-ամյա Կարեն Ս.-ի դին, ով ինքնասպանություն է գործել՝ 13-րդ հարկից ցած նետելով։

Կայքի տեղեկություններով՝ ոստիկաններն ու քննիչները հայտնաբերել են երկտող, որտեղ նա գրել է, որ այդ ծայրահեղ քայլին է դիմել իր 80-ամյա Սարգիս պապու պատճառով։

Փաստի առթիվ քննչական բաժնում նյութեր են նախապատրաստվում։

Աղբյուրի հաղորդմամբ, նա ինքնասպանություն է գործել իր անչափահաս ազգականի ներկայությամբ, ում հոգեբանական օգնություն ցուցաբերելու նպատակով ժամանել են Արտակարգ իրավիճակների նախարարության Փրկարար ծառայության հոգեբանները։ –0–