ԵՐԵՎԱՆ, 12 դեկտեմբերի./Նովոստի-Արմենիա/. Այսօր՝ դեկտեմբերի 12-ին, վրաերթ է տեղի ունեցել Երևանում։
Shamshyan.com-ի հաղորդմամբ, ժամը 16։40-ի սահմաններում Zhong Tong մակնիշի ավտոբուսը Բաղրամյան պողոտայի 21 հասցեի դիմաց՝ «Հայփոստ»-ի հարևանությամբ, վրաերթի է ենթարկել հետիոտն՝ 17-ամյա Վահան Գ-ին։
Վրաերթի ենթարկվածը մարմնական վնասվածքներով տեղափոխվել է «Սուրբ Աստվածամայր» ԲԿ։
Վրաերթի փաստով նախաձեռնվել է վարույթ։
Կայքի տեղեկություններով՝ ավտոբուսը հաշվառված է Երևանի քաղաքապետարանի հաշվեկշռում և սպասարկում է թիվ 7 երթուղին։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում