ԵՐԵՎԱՆ, 6 օգոստոսի. /Նովոստի-Արմենիա/. Չինաստանի Չժեցզյան նահանգի իշխանություններն ավելի քան 200 հազար բնակչի են տարհանել նահանգի ծովափին մոտեցող «Մույֆա» թայֆունի պատճառով, շաբաթ օրը հաղորդում է Ռոյթեր գործակալությունը՝ հղում անելով տեղի կառավարության կայքին։
Չժեցզյան նահանգում դեռ չորեքշաբթի էր հայտարարվել, որ փոթորիկ է սպասվում, նշում է ՌԻԱ Նովոստին։ «Մույֆան» շաբաթ օրը երեկոյան կհասնի Չինաստանի արևելյան ծովափ։ Ըստ չինացի օդերևութաբանների կանխատեսումների, «Մույֆա» թայֆունը ՉԺՀ ծովափնյա շրջաններին ուժեղ քամիներ և տեղատարափներ է հասցնում։
Նահանգի կառավարության տվյալների համաձայն, ափամերձ շրջաններից 206,664 հազար մարդ է տարհանվել, 4 հազար ձկնորսական նավակներին հանձնարարվել է վերադառնալ ափամերձ Նինբո և Տայչժոու քաղաքներ և պատրաստվել փոթորկին։
Չորեքշաբթի ժամը 14.00-ի դրությամբ տայֆունը գտնվել է Տայչժոու քաղաքից գրեթե 1200 կմ հեռավորության վրա դեպի հարավ-արևելք՝ Չժեցզյան նահանգի ծովափում։ Թայֆունը շարժվում է ժամում 10-15 կմ արագությամբ դեպի հյուսիս-արևմուտք։ Քամու արագությունը հասնում է վայրկյանում 56 մետրի։ -0-
