ԵՐԵՎԱՆ, 20 հունիսի./Նովոստի-Արմենիա/. Հունիսի 16-ին Սանկտ Պետերբուրգի Կրասնոսելսկի շրջանի դատարանն անօրինական և չեղարկման ենթակա է հայտարարել սրտանոթային վիրաբուժության բաժանմունքի վարիչ Ռուբեն Մովսիսյանի նկատմամբ դատավճիռը, որ կայացվել էր №1 Քաղաքային մանկական հիվանդանոցի վարչության կողմից: Այս մասին հաղորդում է rusfond.ru-ն՝ հղում անելով Մովսեսյանի փաստաբան Վլադիմիր Ժիռնովոյի վրա:
Загружается новость ... "Лево"
2019թ.-ի հոկտեմբերին բժշկին նկարտողություն է արվել պաշտոնեական հրահանգների խախտման համար: Դրանից մի քանի ամիս առաջ Մովսեսյանի ծանոթներից մեկը որոշել է հիվանդանոցին մոտ 10 մլն. ռուբլու չափով գումար նվիրաբերել վիրաբուժական գործիքների ձեռքբերման համար: Գործիքների առաջին խմբաքանակը՝ մոտ 5,5 մլն ռուբ. արժողությամբ բերվել է Գերմանիայից Պետերբուրգ 2019թ.-ի սեպտեմբերին: Գործիքներն ընդունվել են հիվանդանոցի կողմից, սակայն, հետո, ինչպես պատմում է Ժիռնովոյը, վարչությունը Մովսեսյանին մեղադրել է այն բանում, որ վերջինս պատշաճ ձևով չի ձևակերպել դրանց վերաբերյալ փաստաթղթերը: Բժշկին նկատողություն է արվել:
Աշնան վերջում Մովսեսյանը դիմել է դատարան: Այսօր դատարանը որոշում է կայացրել. նկատողությունը ճանաչվել է անօրինական և չեղյալ հայտարարման ենթակա:
«Հնարված իրավիճակ էր: Հիվանդանոցի վարչությունը չէր ենթադրում, որ մեզ մոտ պահպանվել է Մովսեսյանի հետ նամակագրությունը, որտեղ իմ պաշտպանյալը հարցնում է, թե ինչպես է պետք ձևակերպել փաստաթղթերը: Հետո նա ամեն բան արել է այնպես, ինչպես հեռախոսով ասել է գլխավոր հաշվապահը»,- նշել է Շիռնովոյը:
Ռուբեն Մովսեսյանը ռուսաստանաբնակ ամենահայտնի նեոնատալ սրտավիրաբույժներից մեկն է, գլխավորում է սրտանոթային վիրաբուժության բաժանմունքը 2010թ.-ից: Սկսած 2017թ.-ից Սանկտ Պետերբուրգի №1 քաղաքային մանկական հիվանդանոցի վարչությունը վերջինիս թվով 5 նկատողություն է արել: Բժշկի գրավոր վիճարկումից հետո, դրանցից երեքը հիվանդանոցն ինքն է չեղարկել:
Загружается новость ...
"Право"
Ծնողական համայնքը ստորագրություններ է հավաքում ի պաշտպանություն Մովսեսյանի Change.org-ում, իսկ հունիսի 16-ի, ժամը 18:00-ի դրությամբ հավաքվել է մոտ 90 հազ. ստորագրություն:
№1 քաղաքային մանկական հիվանդանոցի գլխավոր բժիշկը չի պատասխանել Русфонд-ի հարցերին և առաջարկել դիմել քաղաքային Առողջապահության կոմիտե, որտեղ նույնպես ոչ ոք չի մեկնաբանել իրավիճակը՝ նշելով, որ հարցերին կպատասխանի հիվանդանոցը և կփոխանցի կոմիտեին, իսկ կոմիտեն դրանք կուղարկի Русфонд-ին: -0-