ՌԴ-ում սկսել են նոր ԱԹՍ-ների մշակումը Արցախում պատերազմից հետո

ԵՐԵՎԱՆ, 6 դեկտեմբերի./Նովոստի-Արմենիա/. Ռուսաստանը սկսել է զենիթային հրթիռների ուղղորդման համակարգով անօդաչու ուղղաթիռ մշակել թշնամու անօդաչու թռչող սարքերի դեմ պայքարի համար, հայտնում է РИА Новости- ն ՝ հղում անելով ռազմարդյունաբերական համալիրի աղբյուրին:

ԱԹՍ-ը հետևելու է թշնամու անօդաչու թռչող սարքերին փոքր բարձրություններում:

«Նոյեմբեր ամսից սկսվում է անօդաչու ուղղաթիռի մշակումը հեռահար ռադիոլոկացիոն պարեկային ծառայության համար, որը հետևելու է փոքր և ցածր արագությամբ թշնամու անօդաչու թռչող սարքերին ցածր և ծայրահեղ ցածր բարձրություններում և ապահովելու է դրանց վրա ռազմական ՀՕՊ զենիթահրթիռային համակարգերի ուղղորդումը», - նշում է աղբյուրը:

Նշվում է, որ համալիրը կմշակվի հնարավորինս արագ ժամկետներում: Աշխատանքները պայմանավորված են ռազմական բախումներում ԱԹՍ-ների աճող դերակատարությամբ, մասնավորապես, Ղարաբաղում :

Այժմ ռուսական բանակը զինված է հետախուզական անօդաչու «Օրլան -10», «Լեեր» և այլ թռչող սարքերով: «Օխոտնիկի», «Գրոմ»- ի և «Ալտիուս» դասի ծանր անօդաչու սարքերը դեռ մշակման փուլում են:-0-