ԵՐԵՎԱՆ, 24 հուլիսի./Նովոստի-Արմենիա/. Ղարաբաղյան հակամարտությամբ արտահայտվող հայերի և ադրբեջանցիների միջև հակամարտությունը, որը տևում է արդեն ավելի քան 30 տարի, իր արտահայտությունն է գտել հայկական և ադրբեջանական համայնքների մեծ շրջանակներում:
Загружается новость ... "Лево"
Հայ-ադրբեջանական հարաբերությունների սրացման ևս մեկ խթան դարձավ հուլիսի 12-ից սկսված դեպքերը, երբ ադրբեջանական ԶՈՒ-ն, խախտելով հայկական սահմանը, ագրեսիվ ռազմական գործողություններ է սկսում ԱԹՍ-ների և ծանր ռազմական տեխնիկայի օգտագործմամբ:
Ծիրանի պատերազմ
Հակամարտությունը չի սահմանափակվել հայ-ադրբեջանական սահմանին հնչող կրակողներով: Ռուսաստանում, մասնավորապես, Մոսկվայում, կրքերը առանձնահատուկ ձևով թեժացան:
Համացանցում տեղեկություն հայտնվեց, որ մոսկովյան «Ֆուդ սիթի» շուկան, որը պատկանում է Ադրբեջանում ծնված ձեռներեցներ Գոդ Նիսանովին և Զարախ Իլիևին, փողոց է հանել տոննաներով հայկական ծիրան, ինչի պատճառով այն կարող է փչանալ: Շուտով Մոսկվայում և Սանկտ Պետերբուրգում հայկական ծիրանի համար վաճառքի նոր, այդ թվում ՝ անվճար վաճառքի կետեր են տրամադրվել: Համացանցում անգամ ֆլեշմոբ սկսվեց, որի շնորհիվ հնարավորություն ստեղծվեց Հայաստանից մեծ քանակությամբ մրգի իրացմանը: Օգնության հասավ նաև հայկական սփյուռքը, որը ոչ միայն տոննաներով հայկական միրգ գնեց, այլև կազմակերպեց դրանց վաճառքը փողոցում: Իմպրովիզացված շուկայում ծիրանի վաճառքն ուղեկցվում էր Քոչարիով և հայկական խորովածով:
Պատերազմ ընդդեմ ծերերի և մեքենաների
Սակայն հակամարտությունն այսքանով չի վերջանում: Երեկվանից հայ օգտատերերը սոցցանցերում կոչ են անում ՌԴ-ում գտնվող հայրենակիցներին լինել զգոն, քանի որ ադրբեջանցիները խմբեր են ձևավորել և հարձակվում են հայերի վրա, անգամ ծերերի:
Ռուսական ԶԼՄ-ների համաձայն, մոսկովյան Մարինոյում գիշերը Ադրբեջանցիները կանգնեցնում և հարձակվում էին հայկական համարանիշերով մեքենաների վրա: Հրապարակված տեսանյութերից մեկում երևում է, թե ինչպես են ադրբեջանցիները հարձակվում հայկական մեքենայի վրա, ջարդում ապակիները և ծեծի ենթարկում վարորդին, ով հրաշքով փրկվում է: Ծեծի ականատեսներից մեկը համացանցում տեսանյութը է տեղադրել (հղումն՝ այստեղ):
Ադրբեջանական «հերոսությունների» կադրերում երևում է, թե ինչպես է ամբոխը հարձակվում ծեր մարդու վրա, գետնին տապալում նրան և սկսում ծեծել՝ պահանջելով, որ ներողություն խնդրի անհասկանալի պատճառով: Կադրերն ուղեկցվում են անցենզուր արտահայտություններով ինչպես ռուսերեն, այնպես էլ ադրբեջաներեն լեզուներով:
Ուժայիններն ու Ռոսգվարդիան կարգ ու կանոն են հաստատում
Ինչպես գրում են հայ օգտատերերը, արդեն գիշերը Մարյինոյի, Բրատիսլավայի և Լյուբլինոյի թաղամասերը լցված էին ոստիկանության հատուկ նշանակության ջոկատայիններով և Ռոսգվարդիայով, ովքեր ստուգում էին բոլոր մեքենաները և բերման ենթարկում կասկածելի մարդկանց:
Ըստ ԶԼՄ-ների տեղեկությունների, ոստիկանները բերման են ենթարկել 13 մարդու հայերի և ադրբեջանցինրի միջև զանգվածային ծեծկռտուքից հետո:
Արտակարգ դեպքի փաստի առթիվ տեղական ոստիկանությունը ստուգումներ է անցկացնում և պարզում հակամարտության բոլոր մասնակիցներին:
Ընդ որում Մոսկվայում հայկական աղբյուրները հայտնում են բերման ենթարկվածների ավելի մեծ թվի մասին: Մասնավորապես, նրանց տեղեկություններով, գիշերվա ընթացքում ուժայինները բերման են ենթարկել մոտ 50 բնիկ ադրբեջանցիների, ովքեր մասնակցել են հայերի վրա հարձակումներին: Մոտ 10 մարդ կալանավորվել է խուլիգանության և էթնիկ խտրականության հրահրման մեղադրանքով:
Ադրբեջանը փորձում է Ռուսաստանը վերածել Սումգայիթի
Այս իրավիճակով պայմանավորված Ռուսաստանի հայերի միությունը (ՌՀՄ) հանդես է եկել հայտարարությամբ, որում, մասնավորապես նշվում է. «Ոնց որ թե Իլհամ Ալիևը և Բյուլբյուլ օղլուն (ՌԴ-ում Ադրբեջանի դեսպանը) ամեն բան անում են Ռուսաստանը Սումգայիթի վերածելու համար»:
«Նրանց տրամադրության տակ գտնվող հանցագործները ՌԴ մայրաքաղաք Մոսկվայում սկսել են հարձակվել հայերի վրա: (Ընդ որում, ծեծել են մեկ ադրբեջանցու՝ նրան հայի հետ շփոթելով): Մոսկվայի ոստիկանության հատուկ նշանակության ջոկատայինները գիշերվա ըթնացքում բերման են ենթարկել 50 ադրբեջանցի հանցագործների, ովքեր մասնակցից են եղել հայերի ծեծի գործընթացին: Նրանց մեղադրանք կառաջադրվի խուլիգանության և էթնիկական խտրականության հրահրման համար»,- նշվում է ՌՀՄ հաղորդագրության մեջ:
Նշվում է, որ այս ակցիաներն ուղղված են ոչ թե հայերի, այլ ՌԴ իշխանությունների և հասարակության, ռուսական պետականության դեմ:
«Ադրբեջանցիների վայրագությունների և նրանց կողմից իրականացվող անկարգությունների մասին տեղեկատվությունը գալիս է աշխարհի տարբեր երկրներից»,- նշել են ՌՀՄ-ից:
Փոխադարձ վենդետաներ
Ինչպես համարում է ադրբեջագանագետ Անժելա Էլիբեգովան, իրականում սկսվել են շատ վտանգավոր պրոցեսներ, որովհետև հայերի ու ադրբեջանցիների փոխադարձ վենդետաները երրորդ երկրների տարածքում կարող են անվերահսկելի դառնալ։
«Ու խնդիր ա դա և ֆիզիկական անվտանգության տեսանկյունից, և երրորդ երկրի հետ փոխհարաբերությունների, և պատասխանատվության քո համաքաղաքացիների գործողությունների համար»,- նշել է Էլիբեգովան իր Facebook-յան էջում:
Պատրիարքի կոչը
Իր հերթին Մոսկովյան և համայն Ռուսիո պատրիարք Կիրիլը հակամարտության երկու կողմերին բանակցության գալու կոչ է արել: Նա նշել է, որ 2020թ.-ի հուլիսի 12-ին Հայաստանի և Ադրբեջանի սահմանին կրկին բռնկվել է ռազմական հակամարտություն, որը հանգեցրել է մարդկային զոհերի երկու կողմերի մոտ:
«Այսօր Ռուսական Ուղղափառ Եկեղեցին հակամարտության երկու կողմերին երկխոսության վերադառնալու կոչ է անում: Հայաստանի և Ադրբեջանի կրոնական համայնքները նման երկխոսության բավականաչափ փորձ ունեն կուտակած, որի պահանջարկն այս պահին կա: Կովկասում նոր պատերազմը անխուսափելիորեն իր հետ կբերի տարբեր տեսակի ահաբեկիչների և ծայրահեղանականների, ովքեր տարածաշրջանը երկար ժամանակով կզրկեն խաղաղությունից և հանգստությունից»,- նշել է պատրիարքը:-0-