Բաշար ալ-Ասադը Էրդողանին անվանել է Ղարաբաղում հակամարտության սրման նախաձեռնող

ԵՐԵՎԱՆ, 6 հոկտեմբերի․ /Նովոստի-Արմենիա/․ Սիրիայի նախագահ Բաշար ալ-Ասադը ՌԻԱ Նովոստիին տված հարցազրույցում ասել է, որ Թուրքիայի առաջնորդ Թայիփ Էրդողանը Լեռնային Ղարաբաղում հակամարտության նոր փուլի գլխավոր նախաձեռնողն է:

«Նա աջակցում է ահաբեկիչներին Լիբիայում, նա Ադրբեջանի և Հայաստանի միջև վերջերս Լեռնային Ղարաբաղում սկսված հակամարտության գլխավոր հրահրողն ու նախաձեռնողն է եղել», - ասաց Ասադը:

Սիրիայի նախագահը հաստատել է, որ Թուրքիայի մասնակցությամբ ՍԱՀ- ի զինյալները տեղափոխվում են Ղարաբաղի պատերազմական գոտի:

«Մենք միանշանակ կարող ենք դա հաստատել, բայց ոչ այն պատճառով, որ ունենք ապացույցներ: Երբեմն ապացույցներ չկան, բայց դրա մասին կան ցուցումներ», - ասել է Ասադը:

Ինչպես ավելի վաղ հայտնել էին ՌԻԱ Նովոստիի աղբյուրները սիրիական ընդդիմությունից, որոնք ծանոթ են իրավիճակին, Լեռնային Ղարաբաղում սպանվել են 93 Սիրիայից վարձկան, նրանցից 53-ի մարմինները նախօրեին հանձնվել են ՍԱՀ-ին: Սիրիական ընդդիմության մեկ այլ աղբյուր նախկինում ՌԻԱ Նովոստիին հայտնել էր, որ հոկտեմբերի 1-ի դրությամբ Ղարաբաղում կա 322 «լավ զինված» սիրիացի վարձկան:-0-