ԵՐԵՎԱՆ, 11 մայիսի./Նովոստի–Արմենիա/. «Ի՞նչ, որտե՞ղ, ե՞րբ» հեռուստախաղի մասնակից Ռովշան Ասկերովի նկատմամբ հետախուզում է հայտարարվել քրեական հոդվածի շրջանակում, հաղորդում է
ՏԱՍՍ–ը` հղում անելով ՌԴ ՆԳՆ հետախուզության բազային։
«Ռովշան Ասկերովը, ծնված 04.051972թ.–ին, հետախուզվում է ՔՕ հոդվածի շրջանակում», – նշված է բազայում, բայց նշված չէ, թե որ հոդված է հետախուզում հայտարարվել։
Ապրիլի վերջին ՔԿ քննիչները Ասկերովի նկատմամբ հարուցել էին քրեական գործ նացիզմի վերականգնման համար (ՌԴ ՔՕ 354.1 հոդվածի 4–րդ մաս)։ Քննությամբ պարզվել է, որ ապրիլի 6–ից ոչ ուշ Ասկերովն իր Facebook–յան էջում հրապարակել է ակնհայտ սուտ տեղեկություններ, որոնք վիրավորում ու արատավորում են մեծանուն ռուս զորահրամանատար և Հայրենիքի պաշտպան, Խորհրդային Միության մարշալ Գեորգի Ժուկովի հիշատակը։
Ասկերովն աշխատում էր որպես մեկնաբան «Սպորտ Էքսպրես» թերթում, ՆՏՎ–ում` որպես թղթակից, 2009թ.–ից «Բաքու» ամսագրի PR տնօրենն է։ Մոտ 30 տարի մասնակցել է «Ի՞նչ, որտե՞ղ, ե՞րբ» խաղին, 2001թ.–ին արժանացել է Բյուրեղապակյա բուի։–0–